NOTA DE PRENSA
O candidato número tres dos populares lucenses e deputado mariñán avoga porque a administración autonómica actúe nunha dobre dirección: axudando directamente a este sector estratéxico para a economía comarcal e aos traballadores que perderon o seu emprego ou poden perdelo no futuro para que obteñan solucións a curto prazo e non promesas electorais que chegan tarde e son ineficaces para solventar a situación actual. En resume: “Hai que actuar xa”
BALSEIRO RECLAMA UN PLAN DE APOIO URXENTE QUE EVITE A CRECENTE DESTRUCIÓN DE EMPREGO NAS EMPRESAS EXTERIORES DE ALCOA
* “Parece mentira que os responsables de Traballo (Ricardo Varela) e Industria (Fernando Blanco), candidatos ambos pola nosa provincia, descoñezan esta realidade ou, o que aínda é peor permanezan de brazos cruzados ante a perda de numerosos postos de traballo”
* O ritmo de destrución de emprego no sector industrial da Mariña está a acelerarse: O paro creceu en máis dun 32% no pasado ano e en xaneiro o número de desempregados neste ámbito superou o centenar.
A Mariña, 11 de febreiro de 2009.- O candidato número tres dos populares lucenses e deputado autonómico, Jose Manuel Balseiro Orol, vén de reclamar un plan de apoio urxente á industria auxiliar de ALCOA a través do que se poida poñer freo á crecente destrución de emprego que se está a rexistrar neste sector. Para o dirixente popular, as diferentes noticias sobre o aumento do número de traballadores que van ao paro nestas empresas demostra a inestabilidade pola que está a pasar o sector industrial na nosa comarca e a necesidade de que se actúe sen máis dilación.
Segundo as últimas cifras coñecidas sobre paro rexistrado -correspondentes ao mes de xaneiro- o ritmo de destrución de emprego no sector da industria se está a acelerar de tal xeito que comezan a saltar todas as alarmas. O incremento acumulado en termos interanuais supera o 32% e tan só no mes de xaneiro o número de desempregados na industria superou o centenar. En todas as actividades 372 mariñáns perderon o seu traballo.
Parece máis que evidente que o sector da industria auxiliar do aluminio está en crise e, neste momento, temos máis de 2.500 empregos directa e indirectamente afectados. Desde a propia ALCOA que xa adiantou que reducirá a súa produción para corrixir a súa acumulación de stocks e a progresiva diminución do prezo do aluminio, ata as empresas de transporte, distribución ou auxiliares desta multinacional que operan na nosa comarca.
ACTUAR NUNHA DOBRE DIRECCIÓN
De feito o PPdeG, diante desta situación, avoga por actual nunha dobre dirección: axudando directamente a este sector, como unha aposta estratéxica para a nosa economía, e axudando aos traballadores, que perderon e poden perder os seus postos de traballo nun futuro próximo. “Débeselles ofrecer solucións a curto prazo e non promesas electorais que chegarán tarde e serán ineficaces para solventar a situación actual. En resume, hai que actuar xa”.
DESCOÑECEN A REALIDADE ACTUAL
Os populares non comprende a parálise e a falta de reacción que caracteriza aos actuais dirixentes da administración autonómica que desde consellerías como as de Traballo -dirixidas polo socialista Ricardo Varela- ou de Innovación e Industria -responsabilidade do nacionalista Fernando Blanco- parecen non ser conscientes desta realidade e non están a acometer medidas específicas e urxentes para evitar esta sangría de destrución de empregos. “Parece mentira que estes dous señores sexan candidatos pola nosa provincia e descoñezan como o fan a situación pola que están a pasar todos estes traballadores aos que non lles ofrecen nada inmediato, solucións a curto prazo ante unha situación de extremada gravidade”
BALANCE
Desgraciadamente os datos acreditan que desde o Goberno de Touriño e de Quintana mentiuse ao conxunto dos galegos ocultando a situación actual e, o que é aínda peor, que é incapaz de habilitar medidas que freen o crecemento do paro en Galicia
O Goberno bipartito recibiu unha Galicia con crecemento sostido e sólido, que creaba emprego e que confiaba no futuro. Pola contra hoxe deixa unha Galicia nun proceso de constante destrución de postos de traballo e bordeando a recesión económica. Afortundamente tras a cita electoral do vindeiro primero de marzo iníciase unha nova etapa na que o presidente Feijóo saberá unir esforzos para superar as actuais dificultades. Un novo momento que nos saque do desconcerto político que estamos vivindo e da decadencia económica que atravesa Galicia.
Nos máis de tres anos e medio transcorridos desde a chegada do Goberno bipartito, o cambio foi a peor xa que socialistas e nacionalistas non responderon ás expectativas e decepcionaron aos seus votantes. Agora, a Galicia espéralle outro cambio, tras lograr o Partido Popular a confianza maioritaria dos galegos, pero desta vez para mellor.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
