NOTA DE PRENSA:
A vicepresidenta da Deputación e concelleira socialista Lara Méndez comprometeuse o 22 de xaneiro a finalizar a obra en quince días e a día de hoxe aínda non está rematada
O CONCELLO DE CERVO TEME QUE OS SOCIALISTAS FAGAN CAMPAÑA CO ASFALTADO DA ESTRADA DE SAN ROMÁN A RÚA
Cervo, 18 de febreiro de 2008.- O grupo municipal do Partido Popular de Cervo teme que os socialistas aproveiten as datas electorais para rematar as obras de asfaltado da estrada de titularidade provincial que une os núcleos de poboación de San Román e Rúa. Os membros do equipo de Goberno local lembran que esta estrada é un dos reiterados “incumprimentos” dos socialistas dende a súa chegada á Deputación.
No día de onte comezaron a retirar os postes do tendido eléctrico que quedaron no medio desta vía despois do seu ensanche “e canto menos nos parece sospeitosos que se retomen os traballos precisamente agora, a pesar de ter prometido que a estrada estaría asfaltada antes do 6 de febreiro”.
Neste senso sinalaron que a vicepresidenta da Deputación e concelleira socialista en Cervo, Lara Méndez, leva mentíndolles aos veciños destas dúas parroquias sobre a consecución das obras en reiteradas ocasións. “Primeiro foi nunha reunión á que non estaba invitada e na cal se comprometeu a arranxar a estrada antes do Nadal; e posteriormente o 22 de xaneiro, onde asegurou a pe de obra e con medios de comunicación presentes, a que a estrada estaría lista en quince días” recalcaron.
Para os populares, a “concatenación de mentiras” de Méndez quedou en evidencia dúas veces. A primeira ao ter que ser o Concello quen asumira os traballos de urxencia para rebachear a estrada antes das datas de Nadal; e a segunda agora, case dúas semanas dende que expirara a data anunciada pola vicepresidenta da Deputación como remate das obras “e sospeitosamente retomados agora”. Na opinión do grupo municipal de Goberno, o afán de protagonismo de Méndez obedece a un único obxectivo: “tentar exprimir ao máximo os réditos políticos mediante as súas aparicións estelares a modo de fada madriña, pero que á hora da verdade se quedan en nada”.
Os integrantes do equipo municipal de Cervo lembran tamén que o atraso nestas obras de asfaltado só se debe á Deputación, “a única administración con competencias nesta estrada”, e aseguraron que as escusas dadas polos responsables do Ente provincial non foron nunca cribles. “Estamos fartos de escoitarlles dicir que a obra quedou sen rematar porque o goberno do PP na Deputación non deixara consignación, pero xa levan tempo dabondo para facerse responsables. Si houberan tido interese en rematar a obra tal e coma veñen predicando reiteradamente xa a poderían ter rematada” recalcaron.
Por último, os populares cervenses lembraron que esta obra rematarase “única e exclusivamente” grazas ao empeño e loita común levada a cabo polos colectivos veciñais, pedáneos e goberno municipal “que souberon unir esforzos ao marxe de intereses propios e cores políticas” para conseguir que esta arteria de comunicación tan importante do Concello de Cervo poda ser unha realidade.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
