Nota de prensa
JOSÉ RAMÓN LETE LASA SALIENTA QUE A FUTURA LEI DO DEPORTE DE GALICIA CONSIDERARÁ A PRÁCTICA DEPORTIVA COMO DE ACTIVIDADE DE INTERESE PÚBLICO DEBIDO Á SÚA REPERCUSIÓN NOS EIDOS DA EDUCACIÓN, DA FORMACIÓN E DA CULTURA
O secretario xeral para o Deporte inaugurou o IV Congreso Galego de Xestión Deportiva
Durante a súa intervención destacou que a nova normativa especifica unha concepción ampla e global do deporte, pero distinguindo entre actividade deportiva e actividade física
Lete Lasa tamén aludiu ao Plan “Galicia Saudable” posto en marcha pola Xunta co obxectivo de modificar os hábitos dos galegos cara á consecución dun maior benestar e saúde a través da actividade física
Lugo, 23 de marzo de 2012.- O secretario xeral para o Deporte da Xunta, José Ramón Lete Lasa, salientou hoxe que a futura Lei do Deporte de Galicia –que proximamente aprobará o Parlamento- parte da concepción do deporte como unha actividade de interese público debido ás funcións que desempeña nos eidos da educación, da formación e da cultura, e defendeu que o texto responde “á necesidade de acompasar as previsións legais á actualidade e ao futuro que queremos acadar para o noso deporte”.
Durante a súa intervención no acto de inauguración do IV Congreso Galego de Xestión Deportiva, organizado pola Asociación Galega de Xestores Deportivos (Axadege), José Ramón Lete destacou a importancia do deporte para a mellora da saúde pública, o fomento da cohesión social e o desenvolvemento económico, que, en definitiva, se traduce en xeración de riqueza e benestar para a sociedade. Non obstante, matizou como “transcendental” a distinción que o texto normativo establece entre actividade deportiva e actividade física. Segundo dixo, ambas aparecen reflectidas no texto, e ambas son obxecto do seu recoñecemento, protección e fomento, pero só a actividade deportiva é obxecto de regulamentación.
Doutra banda, e respecto da actividade física, o secretario xeral aludiu ao Plan “Galicia Saudable” posto en marcha pola Xunta de Galicia co obxectivo de modificar os hábitos dos galegos cara a consecución dun maior benestar e saúde a través da actividade física.
Principais novidades do texto
Durante a súa intervención, o secretario xeral para o Deporte realizou un relatorio do contido na futura norma, facendo especial fincapé nas principais novidades regulatorias. Así, e dende o sistema competencial das Administracións públicas, ata a reordenación das entidades deportivas -con especial referencia ás federacións deportivas-, pasando, entre outras materias, pola xurisdición deportiva, José Ramón Lete presentou ós asistentes os IX Títulos nos que se estrutura a futura Lei do Deporte de Galicia.
Tamén se abordaron os dous títulos da norma totalmente novidosos respecto da actual regulamentación, dedicados á prevención e loita contra a dopaxe no deporte e á prevención e represión da violencia e das condutas contrarias á boa orde orden deportiva, apuntando que, cos mesmos, Galicia se posiciona definitivamente na salvagarda dos valores esenciais do feito deportivo.
Proceso de elaboración
José Ramón Lete salientou tamén como a norma ven a dar cumprimento a un dos compromisos que esta Xunta de Galicia adquirira cos cidadáns, un compromiso en cuxa consecución, apuntou, “participaron os axentes afectados que, logo da información pública do presentaron numerosas achegas, coma as das federacións deportivas, das Universidades, da FEGAMP ou as do COLEF, e as propias achegas dos propios grupos parlamentarios”.
Finalmente, o secretario xeral para o Deporte apuntou que a aprobación da norma non esgota a labor dos poderes públicos en prol do deporte galego, pero “sí supón un paso definitivo, a clave de bóveda, do futuro desenvolvemento do deporte de Galicia e, como non, do seu sistema deportivo”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
