A PRECARIZACIÓN DAS CONDICIÓNS LABORAIS E AS REBAIXAS SALARIAIS TERÁN EFECTOS MOI NEGATIVOS SOBRE O PEQUENO COMERCIO POLA CAÍDA DO CONSUMO
O BNG explicou onte en Ribadeo os efectos da reforma laboral sobre o consumo que abocará ao peche de pequenas empresas e comercios.
Os nacionalistas fan un chamamento á pequena empresa e o comercio a secundar a folga xeral convocada para o 29 de marzo.
A Mariña, 27 de marzo de 2012. O BNG explicou a última hora da tarde de onte en Ribadeo os efectos da reforma laboral sobre a pequena empresa e o comercio cun acto no que participaron Dores Fernández Abel, do Consello Local do BNG de Ribadeo, o Secretario Comarcal da CIG e o parlamentario nacionalista Manuel Parga. Os nacionalista explicaron que a reforma laboral impulsada polo Partido Popular forma parte dun conxunto de medidas orientadas a transferir as rendas do traballo ao gran capital concentrando cada vez mais o poder económico nas mans duns poucos banqueiros e grandes empresas transnacionais. A desregulación do mercado laboral e as rebaixas salariais non fan mais que afondar na caída do consumo e a recesión económica con efectos directos sobre a pequena empresa e o comercio.
Os nacionalistas fan un chamamento á pequena empresa e o comercio a secundar a folga xeral do día 29
O BNG pediu ao pequeno comercio unha reflexión sobre os efectos das medidas de contracción da economía impulsadas polo PP que ao contrario incentivar a economía produtiva e o consumo, so buscan abaratar e desregular o mercado laboral ao tempo que destinan grandes recursos económicos públicos para tapar o furado xerado pola gran banca privada volcada na economía especulativa. Os nacionalistas apuntaron que lonxe de mellorar a situación económica todas as medidas van encamiñadas a recortar investimento produtivo e a recortar a capacidade adquisitiva e a seguridade laboral das maiorías sociais con efectos evidentes na pequena e mediana empresa e no comercio. Neste sentido consideran que o día 29 hai que dar un toque de atención e fan un chamamento a secundar a folga xeral e apoiar as mobilizacións convocadas na comarca.
Existen alternativas para rematar con este modelo inxusto e contrario ás maiorías sociais
Os nacionalistas defenden que existen alternativas diante desta situación tremendamente inxusta e contraria aos intereses das maiorías sociais, neste sentido demandan a posta en marcha de políticas que incentiven a creación real de emprego estábel con dereitos e salarios dignos, rematar coa especulación da débeda pública e o fraude fiscal dos bancos e grandes empresas, creación dunha banca pública que garanta o financiamento á pequena e mediana empresa e as familias, unha política fiscal para que paguen mais os que mais teñen, redución do gasto militar ou eliminación da administración paralela como son as deputacións provinciais.
Remitido
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
