O PREGON DE MARISOL
O vindeiro sábado 31/3/12 dan comezo en San Martiño os actos programados para a celebración da Semana Santa que. como é habitual, encétanse co pregón que nesta ocasión, e por vez primeira na historia, vai ler unha muller, focega, en canto que filla de pais nados neste concello: Guillermo Moreda Oroza e a súa dona Lolita Fernández, nas parroquias de Santiago de Foz e San Pedro de Cangas, respectivamente, falecidos o ano 1977. No cemiterio desta última repousan os restos de ámbolos dous.
Guillermo Moreda, a quen todos coñecíamos polo segundo apelido – Oroza – foi un home culto por estudoso e esforzado, o que permitiulle acadar unha formación moi por enriba do que era a media naquela sociedade de tantas carencias, e chegar a ocupar postos de liderago no organigrama do Instituto Social da Marina, labor ó que entregou boa parte da súa vida, con ilusión e entusiasmo, persoeiro de grande prestixio.
A súa filla Marisol, xornalista de ampla traxectoria, muller dinámica e emprendedora, amante da terra dos proxenitores herdou deles, sen dúbida resultas das vivencias cotiás de tan arriscada profesión, o amor polas xentes mariñeiras que concienciaron a súa sensibilidade a prol dese gremio que a impulsou a tomar sobre os seus hombreiros a responsabilidade da asociación “Herederos de la mar”, por ela inspirada, con obxetivos ambiciosos. dende a que se ven impulsando unha serie de melloras non só de tipo económico, senon tamén de atención a diversos aspectos que inciden na dignificación e no desenvolvemento social, cultural e humano. Marisol, que ten publicados media ducia de libros, aporta a “Herederos de la mar” os beneficios que os mesmos lle reportan.
Como colofón á súa intervención, a Coral Polifónica de Foz, que vive o mellor momento artístico da súa historia, baixo a dirección de Carmen Alonso Leal, ofrecerá o que é tradicional concerto de apertura no marco inigualable da basílica. Posiblemente se lembre por moito tempo éste como “o pregón de Marisol”….
Suso Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
