Recorda na iniciativa presentada que foi atopado pola asociación Mariñapatrimonio e incluído no Inventario de Xacementos Arqueolóxicos da Dirección Xeral de Patrimonio da Xunta de Galicia
O PPDEG SOLICITA NO PARLAMENTO PROTECCIÓN PARA O XACEMENTO ARQUEOLÓXICO O CARREIRO-MARZÁN EN FOZ, A SÚA SINALIZACIÓN E A INCLUSIÓN NO INVENTARIO XERAL DO PATRIMONIO CULTURAL
A deputada popular Emma Alvarez pide realizar estudios, en coordinación cos organismos competentes, sobre as necesidades para a conservación desta riqueza cultural e que sexa dada a coñecer aos visitantes da zona
Santiago de Compostela, 31 de marzo de 2012.- O PPdeG ven de presentar unha iniciativa no Parlamento de Galicia na que solicita protección para o Xacemento arqueolóxico O Carreiro-Marzán, sito a 300 metros do casco urbano de Foz, entre as praias de Llas e A Rapadoira, a súa sinalización e proceder a estudar a inclusión do mesmo no Inventario Xeral do Patrimonio Cultural.
O Grupo Popular recorda na iniciativa presentada que este Xacemento foi atopado pola Asociación Mariñapatrimonio recentemente e xa foi incluído no Inventario de Xacementos Arqueolóxicos da Dirección Xeral de Patrimonio Cultural da Xunta.
A deputada popular Emma Álvarez Chao pide na Proposición non de Lei realizar estudos e documentación do Xacemento, en coordinación cos organismos competentes, sobre as necesidades para a conservación desta riqueza cultural e proceder a súa sinalización co fin de dar a coñecer a súa existencia aos visitantes da zona.
Este Xacemento costeiro semella estenderse por varias penínsulas do litoral focense, indica a deputada popular na súa iniciativa, cunha extensión que podería chegar aproximadamente ás 6 hectáreas de terreo. “Na liña de costa quedaron ao descuberto – continúa dicindo Álvarez Chao – por mor dun temporal diferentes restos de estruturas e muros, algúns dos cales se asentan sobre un pavimento arxiloso de cor vermella e tamén o que semellan ser derrubes antigos e incluso elementos singulares, como un muíño de man castrexo e algún pequeno resto cerámico”.
A deputada popular engloba esta acción na necesidade de “conservar, protexer e investigar o noso patrimonio cultural arqueolóxico como claves identificadoras dos nosos orixes históricos e que posibilitan comprender a nosa cultura e desenrolo social”.
Remitido
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.