A decisión da Xunta de non financiar a axuda no fogar pon en risco a atención de preto de 60 veciños en Riotorto e a desaparición de 5 empregos.
Estoa demanda financiación autonómica para un servizo que
custa 72.000 Euros
O Alcalde de Riotorto, o nacionalista Federico Gutiérrez Estoa, esixiu no día de hoxe
que a Xunta de Galiza proceda a retirar o Decreto 99/2012 de 16 de marzo, publicado
no DOG de 30 de Marzo, curiosamente na mesma data en que o Goberno do Estado
facía publica a súa proposta de Orzamentos para 2012, polo que o Goberno galego
aproba un novo modelo de financiamento para os servizos de benestar en Galiza que
exclúe das axudas públicas para o servizo de axuda no fogar básico aos Concellos de
menos de 20.000 habitantes.
Segundo indicou o Alcalde do BNG, “esta medida que afecta a 293 Concellos galegos,
entre eles a Riotorto, establece un trato claramente discriminatorio para aqueles
concellos con menor poboación así á par que avanza na privatización e o copago dos
mesmos. Estamos diante dunha volta de torca máis que pretende excluír deste servizo a
moitos veciños do noso Concello por razóns de renda e que avanza no proceso de
desmantelamento do servizo iniciado desde a chegada do PP ao Goberno da Xunta.
Tanto é así que o ano pasado a Xunta destinou para axuda no fogar no Concello
3.206,79 Euros, isto é 6 veces menos que en 2010 onde a aportación autonómica se
situaba nos 20.000 Euros , e agora infórmanos que a contía para 2012 é 0 Euros. Sen
axuda da Xunta é imposíbel manter o servizo de axuda do fogar en Concellos coma o
noso onde temos unha poboación moi avenlletada é dispersa e onde o custo do servizo é
de 72.000 Euros”.
Estoa afirmou que “ a decisión da Xunta de Galiza vai significar preto de 60 veciños do
noso Concello corran o risco de quedar sen prestación así como a perda do seu
traballo para nove persoas que actualmente prestan o seu servizo na axuda
domiciliaria neste Concello. Estamos diante do o maior golpe ao sistema de benestar
dos Concellos galegos, particularmente da Galiza rural, na medida que pon en risco o
mantemento dun servizo central para cohesión interxeneracional, para combater o
despoboamento rural, para combater os desequilibrios territoriais e de xeito fulcral
para atención dos nosos maiores atendendo a parámetros de eficiencia e satisfación no
usuario”.
“O PP xa non pode enganar a ninguén con esta medida” afirmou Estoa “posto que a
mesma non fai outra cousa que contribuír as desigualdades sociais, na medida que
atendendo a literalidade da norma a axuda no fogar ten que cargar unha parte no
usuario, destruír emprego, estamos falando de 5 persoas en Riotorto e 2000 persoas no
conxunto de Lugo, e afondar nos desequilibrios territoriais, posto que ao fixar servizos
básicos en función do número de habitantes o que se fai e afondar no despoboamento
rural. Agardamos iso si que o PP de Riotorto nos diga con que está, ou coa Xunta ou
cos veciños deste Concello, e nese sentido agardamos que se posicione con rotundidade
contra esta decisión”.
Xa por último o Alcalde de Riotorto denunciou que “os recortes non fican aquí senón
que van chegar a aquelas persoas que reciben o servizo de axuda de fogar de
dependentes, posto que o Estado reduciu a contía desa partida para Galiza en 36
millóns de Euros. Agora ben a prioridade do Goberno de Riotorto segue a ser a mesma
en materia de axuda no fogar e imos seguir traballando para garantir a
universalización do servizo de axuda no fogar e a súa gratuidade, posto que no caso de
que nos viramos obrigados a cobrar seguindo as taxas da Xunta os nosos veciños non
poderían acceder ao mesmo. A nosa prioridade seguen a ser as persoas,
particularmente aquelas que máis o precisan, pero isto non quita que esteamos
dispostos a tolerar que a Xunta deixa abandonados aos veciños de Riotorto,
simplemente por vivir nun Concello que non chega aos 20.000 habitantes”.
O nacionalista anunciou tamén que solicitará o mesmo luns unha xuntanza coa delegada
da Xunta en Lugo e coa Conselleira de Benestar para tratar este tema á vez que
demandou ” un posición rotunda e unánime do conxunto do municipalismo galego, a
empezar pola FEGAMP, que non pode permanecer calado cando se está a acometer
este atentando aos dereitos da práctica totalidade dos Concellos Galegos, pero tamén
das forzas sociais, sindicais e políticas. Aquí estámonos xogando o benestar dos
maiores do rural pero tamén moitísimo postos de traballo. Só en Lugo hai máis persoas
ocupadas neste servizo que traballadores empregados na factoría de Alcoa e nas súas
empresas auxiliares ”.
Remitido
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
