Pide revisar as que foron obxecto de procesos de concentración parcelaria a fin de estudar a posibilidade de deixalas fora da ampliación da Rede por ser terras de eminente vocación agrícola nas cales se fixeron movemento de terras
O PPDEG SOLICITA UNHA ESPECIAL CONSIDERACIÓN ÁS ZONAS AGRARIAS DENTRO DA PROPOSTA DE AMPLIACION DA REDE NATURA 2000
No caso de que non sexa posible deixalas fora da Ampliación, pide estudar a posibilidade de incluílas dentro da Zona 3 de Usos Xerais, que establece un valor de conservación medio e baixo de asentamentos e núcleos rurais segundo establece o Plan Director da Rede Natura 2000
Solicita propoñer ante a Comisión Europea que na Política Agraria Común para o 2014-2020 se contemplen incentivos específicos para as actividades agro-ganderias en territorio de Rede Natura
Santiago de Compostela, 7 de abril de 2012.- O Partido Popular ven de presentar no Parlamento unha Proposición non de Lei encamiñada a solicitar unha especial consideración as zonas agrarias que foron obxecto de concentración parcelaria dentro da proposta de ampliación da Rede Natura 2000. Neste sentido, demanda que se contemple a dinamización económica destes espazos, dentro dos eixos comunitarios de actuación, de carácter prioritario, así como incentivos para a reforestación con especies autóctonas nas zonas declaradas Rede Natura.
O Grupo Popular, a través da súa deputada Emma Álvarez Chao, pide que se revisen todas e cada unha das zonas da proposta de ampliación de Rede Natura que foron obxecto de procesos de concentración parcelaria, a fin de estudar a posibilidade de deixalas fora por ser terras de eminente vocación agrícola nas cales se fixeron movemento de terras. De non ser posible deixalas fora, Álvarez Chao demanda estudar a posibilidade de incluílas dentro da Zona 3 de Usos Xerais do Plan Director de Rede Natura 2000 en Galicia, cun valor de conservación medio e baixo en territorio de asentamentos e núcleos rurais.
ZONAS RURAIS PRIORITARIAS
Este Plan, en tramitación na actualidade, vai a ser o marco legal que regule os usos e actividades permitidos nos espazos que forman a Rede Natura 2000, cuia proposta de ampliación inclúe representacións superficiais en 235 concellos galegos, a fin de garantir os obxectivos de conservación dos mesmos.
O Grupo Popular solicita, así mesmo, contemplar dentro dos eixos comunitarios de actuacións no medio rural as zonas que están en Rede Natura 2000 “como espazos de carácter prioritario para dinamizalos economicamente, así como incentivos para a reforestación con especies autóctonas nas zonas declaradas como Rede Natura”.
O Grupo Popular solicita tamén propoñer ante a Comisión Europea que na Política Agraria Común para o 2014-2020 se contemplen incentivos específicos para as actividades agro-ganderias en territorio de Rede Natura
AUTORIZACIÓNS DESDE OS CONCELLOS
Así mesmo, na iniciativa parlamentaria o PPdeG solicita que se faculte aos concellos, como administración máis próxima aos cidadáns, para tramitar as autorizacións para desbroces nas zonas incluídas dentro da Rede Natura 2000, así como achegar un resumo práctico do Plan Director a todos os concellos con territorios incluídos a fin de que sexa distribuído entre todos os propietarios de predios en Rede Natura.
A voceira de Montes do PPdeG, Emma Álvarez Chao, indicou que na Proposición non de Lei se insta á Xunta a facer un protocolo de actuación detallado, claro e conciso no que se recollan os usos permitidos e prohibidos en cada una das zonas de zonificación do Plan Director a fin de que os axentes de campo “teñan un manual concreto con consideracións obxectivas para afrontar as actuacións dos territorios incluídos dentro da Rede Natura 2000”.
Remitido
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
