O BNG PIDE A REVISIÓN DA ORDENAZA FISCAL DA VENDA AMBULANTE PARA EVITAR A DESAPARICIÓN DO MERCADO SEMANAL DE SAN CIBRAO
Os nacionalistas consideran que coa taxa que se aplica estase promovendo a súa desaparición prexudicando non so aos vendedores ambulantes senón ao conxunto da poboación.
Recoñecen que votaron a favor da taxa enganados polo grupo de goberno que afirmou tela negociado cos vendedores.
Cervo, 19 de abril de 2012. O BNG Cervense demandou hoxe a revisión da ordenanza fiscal nº 25 reguladora da Taxa polo exercicio da venta ambulante no mercado de San Cibrao para evitar a desaparición do mercado semanal que se celebra tódolos xoves en San Cibrao. Aínda recoñecendo o seu voto favorábel no pleno de 26 de novembro de 2011, aclaran que o goberno municipal afirmou que esta fora negociada cos propietarios dos postos, cousa que non foi certa como se demostra coas protestas dos afectados que hoxe forzaron unha reunión co goberno local para tratar o asunto. Para os nacionalistas as trabas burocráticas e os excesos na taxa poden facer desaparecer o mercado semanal con repercusións negativas para os ambulantes e para o conxunto da poboación.
Hai mercados na comarca con maior movemento económico e maiores dimensións con taxas menos gravosas que o de Cervo
Os nacionalistas compararon ordenanzas fiscais doutros concellos da comarca con mercados mais concorridos e con maior movemento económico que non teñen taxas tan gravosas como o de Cervo, o portavoz municipal nacionalista, Xoán Antón Estúa García, puxo o exemplo do mercado semanal de Foz mais tamén lembrou que, non é o mesmo vender nuns sitios que noutros nin hai o mesmo movemento económico no vrao que no inverno e o mercado debería manterse todo o ano. Neste sentido agardou que o goberno local sexa sensíbel á situación económica e ás demandas dos vendedores que sufriron importantes caídas nas vendas nos últimos meses no mercado de San Cibrao.
Os nacionalistas piden unha revisión da ordenanza fiscal que rebaixe burocracia, reduza as taxas e discrimine positivamente a venda de produtos de horta dos pequenos postos de banqueta como fan noutros concellos da comarca.
Estúa pediu unha revisión da ordenanza fiscal que evite a fuga de vendedores a outros mercados, neste sentido argumentou que hai aspectos burocráticos e na modalidade de pago que deberían revisarse, igualmente pediu que se reduzan as taxas xenericamente e que haxa unha discriminación positiva para aqueles pequenos postos de froita e produtos de horta tradicionais que aproveitan os mercados semanais para vender os seus excedentes ao igual que sucede nas ordenanzas doutros concellos.
A desaparición do mercado semanal repercutiría negativamente non so nos vendedores ambulantes, tamén no conxunto da poboación.
Para Estúa, un mercado como o de San Cibrao débese potenciar e promover, non afogalo. O nacionalista recoñeceu que o BNG votou afirmativamente a nova taxa no pleno do 26 de novembro cando o goberno local argumentou que estabas negociada cos vendedores, cousa que se demostrou falsa. O nacionalista confirmou que na mañá de hoxe os vendedores forzaron unha reunión con membros do equipo de goberno e agardan que por parte do goberno local sexan sensíbeis ás súas demandas xa que hoxe xa se notaba unha importante rebaixa no número de postos instalados que non pasaban de 10 mentres no estudo económico para a aprobación da taxa as previsións eran de 40 postos semanais
Remitido
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
