Máis de 800 rapaces de 7 centros da Mariña coñeceron o labor dos bombeiros do Consorcio Provincial no que vai de ano
– Unha dotación do parque de Barreiros desprazouse hoxe ó colexio focense Martínez Otero para amosarlles ós alumnos como realizan traballos de prevención de incendios e salvamento
– O organismo integrado por Deputación de Lugo e Xunta de Galicia responde así á petición dos centros educativos de formar ós nenos en prevención de riscos
Máis de 800 rapaces de 7 colexios e institutos da Mariña coñeceron no que vai de ano os medios humanos e materiais dos que dispón o Consorcio Provincial de Bombeiros na Costa lucense, así como o labor que desenvolven os seus profesionais. Unha dotación do parque contraincendios de Barreiros desprazouse este xoves ó colexio Martínez Otero de Foz para amosarlles ós seus 268 alumnos como realizan traballos de prevención de incendios e salvamento. Deste xeito, a actividade didáctica no Martínez Otero, na que estivo presente o Deputado de Economía do Coñecemento, Emprendedores e Innovación, José Ramón Val, deu continuidade ás xa desenvolvidas dende primeiros de ano noutros 6 centros de ensinanza da Mariña: CEIP de Covas; CEIP Cervo, CEIP Juan Rey de Lourenzá; CEIP Pedro Caselles Rollán de Xove; CEIP Díaz Freijo de Viveiro e IES Marqués de Sargadelos de Cervo.
O Consorcio Provincial, xestionado por Deputación de Lugo e Xunta de Galicia, responde deste xeito á petición realizada polos centros educativos para formar ós rapaces dende idade temperá en materia de prevención de incendios, dándolles pautas a seguir ante posibles emerxencias que acontezan en calquera escenario, así como sensibilizándoos coa responsabilidade destes profesionais e a importancia do seu labor.
Neste 2012, incluída a actividade realizada hoxe no Martínez Otero, un total de 944 nenos da provincia de Lugo xa tiveron a oportunidade de coñecer o modus operandi dos máis de 100 profesionais dos complexos de Barreiros, Viveiro, Vilalba, Chantada e Sarria, instalacións que, ata a vindeira integración das de Monforte de Lemos, forman parte do Consorcio.
Ademais, outros tres centros mariñanos puxéronse en contacto co parque de bombeiros de Barreiros para realizar visitas ou simulacros nas vindeiras semanas. En concreto, trátase do colexio Sagrado Corazón de Ribadeo; CEIP Santa María do Valadouro e CPR Plurilingüe Vivero Basanta.
Remitido
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
