CO LEMA “GALEGO. TODO O QUE BUSCAS”, O CORRELINGUA 2012 REMATARÁ NA MARIÑA DESPOIS DE PERCORRER TODA GALIZA EN DEFENSA DO IDIOMA
VIVEIRO ACOLLE AOS PARTICIPANTES DOS CENTROS DA COMARCA.
En rolda de prensa foi presentado hoxe o Correlingua da Mariña na casa do concello de Viveiro, con Antón Veiga, Vicepresidente da Deputación de Lugo, Bernardo Fraga e Olaia Casas, representando ao Concello, membros dos Equipos de Normalización Lingüística dos centros de Viveiro –en representación dos Equipos da Mariña- e a coordinadora do Correlingua, Dores Fernández Abel.
Partirá, ás 11 da maña do día 16 deste mes de maio, de diante do IES Vilar Ponte e do CEIP Lois Tobío, para logo cruzar a Ponte da Misericordia e facer un percorrido polo casco histórico. O festival final terá lugar na Praza Maior. Nel actuarán alumnos e alumnas dos centros e o grupo Chupadeskai.
Participarán nel prácticamente todos os centros de secundaria: os IES Porta da Auga, IES de Foz, Alfoz-Valadouro, Perdouro, Monte Castelo, Marqués de Sargadelos, Illa de Sarón, Vilar Ponte e María Sarmiento. Tamén participarán os de infantil e primaria de Cervo (CEIP de Cervo e CEIP Nº1); os de Foz: Cantel, CEIP Nº1 e Fondo Nois, e o Colexio Martínez Otero; o CEIP Caselles Rollán de Xove e o CEIP San Miguel de Reinante.
O Concello de Viveiro, ademais de colaborar para que todas as actividades discorran á perfección, oferta a posibilidade de visitar con guía o casco histórico pola tarde para aqueles centros interesados en coñecer esta vila aproveitando a visita.
Son moitas as persoas e entidades que fan posible o Correlingua. Para empezar, os Equipos de Normalización Lingüística dos centros educativos e, para seguir, aquelas institucións que fan achegas económicas ou materiais: os Concellos de Ribadeo e Viveiro, da Mariña; a Vicepresidencia Primeira da Deputación de Lugo, os concellos de Ourense, Vigo, Pontevedra e Lugo, e a Mesa pola Normalización Lingüística, a Asociación Socio-pedagóxica Galega e CIG-Ensino.
ANTONIO VEIGA PARTICIPOU NA PRESENTACIÓN DO CORRELINGUA 2012 NA MARIÑA
Esta carreira a prol da lingua galega, este ano baixo o lema “Galego, todo o que buscas”, celebrarase o vindeiro día 16 en Viveiro, e prevese que participen arredor de 1.500 escolares
Antonio Veiga falou da necesidade de promover o uso do galego entres os máis novos, xa que é entre as xeracións novas onde o galego perde maior número de falantes ano a ano
Viveiro, 9 de maio de 2012. O vicepresidente da Deputación, o nacionalista Antonio Veiga, participou na mañá de hoxe no acto de presentación do Correlingua 2012 na Mariña, que tivo lugar no Casa do Concello de Viveiro, cidade da comarca que este ano acollerá esta actividade a prol da lingua galega, e que se celebrará o vindeiro día 16.
Antonio Veiga falou da necesidade de promover o uso do galego entres os máis novos, xa que é entre as xeracións novas onde o galego perde maior número de falantes ano a ano. Neste sentido, Veiga ratificou “o apoio da Área de Cultura da Deputación a todas as actividades que, como esta, difundan o uso do galego con normalidade en todas as facetas da vida, necesario agora máis que nunca nuns momentos nos que o noso idioma propio está sendo atacado directamente por parte da Xunta de Galiza ao plantexaren o polémico decreto do trilingüismo.
O vicepresidente da Deputación valorou moi positivamente a actividade e agradeceu o esforzo dos organizadores por poñela en marcha un ano máis, desexándolle os maiores dos éxitos e unha alta participación coma en anos anteriores.
O lema baixo o que se correrá é GALEGO. TODO O QUE BUSCAS, e como en anos anteriores, está prevista a participación de practicamente todos os centros de secundaria e varios de infantil e primaria. Cóntase que sexa todo un éxito, como todos estes anos, e que participen arredor de 1500 escolares.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
