O PLENO DO LUNS DESCUBRIU A QUÉ SE ADICA O GOBERNO DO BNG: A NON FACER NADA POR RIBADEO E A DIFUNDIR A DEMAGOXIA DO SEU PARTIDO PARA CREAR ALARMA.
A sesión plenaria celebrada en Ribadeo na noite do Luns foi unha demostración máis do que ven sendo habitual no último ano: a absoluta inacción do goberno nacionalista que está levando ó noso concello á parálise. Un bimestre máis o pleno estivo cargado de mocións-tipo presentadas por BNG e PSOE nas que se trouxo a debate temas coma a Lei de Sanidade, a Reforma Laboral, a seca, as participacións preferentes, etc, … cuestións que exceden o ámbito de decisión da corporación local e que, ademais, están plantexadas desde o alarmismo social máis absoluto, na liña do que está a ser a política dos partidos de esquerdas nestes momentos: poñer paus nas rodas a quen está a intentar arranxar a gravísima situación á que eles mesmos nos levaron.
Os asuntos do pleno (fóra das mocións, rogos e preguntas e control dos órganos da corporación) foron tres: o préstamo para pagar aos provedores e dúas ordenanzas fiscais. A estes temas se reduce a actividade do goberno municipal. O único que resultou proveitoso para a economía ribadense de catro horas de pleno foi o primeiro punto que consistía en realizar os trámites procedentes para aproveitar a oportunidade que o Goberno de España (do PP) lles ofrece ós concellos para inxectar liquidez na economía das pemes e autónomos. Este préstamo que se aprobou solicitar suporá o saneamento das débedas de máis de millón e medio de euros que manten o concello coas empresas e que lastran, aínda máis, a súa xa ferida economía. Ademáis, grazas a esta medida do goberno de Rajoy o concello porá o contador a cero e debería supór que o tempo de pagamento do Concello debería ser moi razoable. Os outros dous puntos eran dúas ordenanzas puramente técnicas. Outros dous meses perdidos para pelexar desde o concello por axudar ó noso pobo a pasar estes difíciles momentos. Outra mostra máis do que está a ser o goberno do BNG en Ribadeo que xa se achega a un ano: INACCIÓN, INACTIVIDADE, BALEIRO, DEIXAR PASAR O TEMPO,..
No apartado das MOCIÓNS, a tónica xeral foi a presentación por parte dos grupos da esquerda de propostas de adopción de acordos en contra da normativa que o PP está a aplicar en Santiago e en Madrid, valéndose de un argumentario demagogo, falto de rigor e que supón unha manipulación tendenciosa da realidade cara a crear un clima de alarma social que provoque a confrontación da que pretenden sacar un rédito político.
O Grupo Popular non só votou en contra das mocións socialistas (por suposto apoiadas sen paliativos polo BNG e viceversa) senón que rexeita publicamente a posición política que está a adoptar o PSOE que, lonxe de achegar o ombreiro e axudar a este goberno a saír do pozo no que eles nos meteron está a desinformar á poboación, buscando crear unha alarma social que lles ofreza rendementos electorais. Aseveracións como que os maiores de 26 anos e os extranxeiros quedarán sin asistencia sanitaria que son rotundamente incertas non veñen a aportar nada na solución dos 16.000 millóns de débeda sanitaria, máis ben, por contra, pretenden un rexeitamento social baseado en falsedades.
No caso das mocións do BNG a postura do Partido Popular foi de un absoluto rexeitamento. Na liña dos socialistas están cheas de acusacións falsas que son especialmente sangrantes no caso da axuda a domicilio xa que pretenden culpar ó actual goberno da Xunta do PP de unha situación que foi establecida por eles mesmos no seu (afortunadamente) corto período de goberno; que trata de manipular a realidade para esquivar as competencias do goberno municipal e provincial e evitar, en definitiva, ter que facer axustes nas súas privilexiadas situacións de goberno (con asesores, secretarias, gasto desmesurado en persoal, …) para atender estas necesidades sociais.
En definitiva, onte asistimos a unha nova escenificación da política nacionalista que nos goberna ós ribadenses: absoluta falla de ideas, inacción e estratexia política de desgaste ó Partido Popular a través da manipulación, a demagoxia e o vitimismo. Cero solucións ós problemas de Ribadeo, cero iniciativas para axudar ós nosos veciños e moita ideoloxía, crítica destrutiva e alarma social.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
