FERNANDO SUÁREZ VEN DE ENVIARLLE UNHA CARTA Á CONSELLEIRA DE TRABALLO DE BENESTAR NA QUE LLE SOLICITA UNHA ENTREVISTA PARA QUE A COMISIÓN MUNICIPAL PRO-RESIDENCIA DE MAIORES LLE EXPLIQUE A NECESIDADE QUE TEN RIBADEO DE CONTAR CUN CENTRO DESTE TIPO.
Ribadeo, 24 de maio de 2012. O alcalde, Fernando Suárez, ven de enviarlle unha carta á conselleira de Traballo e Benestar, Beatriz Mato, na que lle solicita unha entrevista para que a comisión municipal pro-residencia de maiores lle explique a necesidade que ten Ribadeo de contar cun centro destas características.
Na carta o rexedor lembra que “dende hai tempo se ten intentado unha entrevista con vostede para a exposición das nosas pretensións sobre este asunto. A Sra. Delegada Territorial da Xunta de Galicia en Lugo comprometéuse, no seu día, a concretar unha entrevista con vostede, sen que ata esta data se obtivera resposta algunha”. Suárez Barcia alude ao acordo plenario aprobado por unanimidade pola Corporación Municipal, e que lle foi remitido á Consellería de Traballo e Benestar o pasado 19 de abril.
O alcalde ribadense dille a Mato Otero na carta que lle remitiu que “igualmente o pasado 22 de abril, domingo, tivo lugar nesta vila de Ribadeo unha manifestación da plataforma de veciños, cun amplísimo seguimento popular, amosando deste xeito o sentemento de necesidade desta infrestructura para Ribadeo do que, naturalmente, se fai portavoz ademáis este Alcalde”. O escrito remata “á vista de todo o exposto, dende esta Alcaldía diríxime a vostede de xeito directo co fin de reiterar a solicitude de entrevista entre vostede e a Comisión Institucional creada para poder expoñerlle axeitadamente todos estes pormenores en relación ao asunto que nos ocupa”.
—-
Alcaldía
Sra. Dona Beatriz Mato Otero
Conselleira de Traballo e Benestar
Xunta de Galicia
Complexo Administrativo San Lázaro s/n
15781 SANTIAGO DE COMPOSTELA
Ribadeo, 23/05/2012.
Estimada Conselleira:
Como vé. Ben saberá en Ribadeo está constituida unha “Comision Municipal pro-residencia de Maiores” cuxo obxectivo único e final é a instalación nesta localidade dunha Residencia para persoas maiores.
Dende hai tempo se ten intentado unha entrevista con Vé. para a exposición das nosas pretensións sobre este asunto.
A Sra.Delegada Territorial da Xunta de Galicia en Lugo, comprometeuse, no seu día, á concertar unha entrevista con vostede, sen que ata esta data se obtivera resposta algunha.
Xa en período mais recente, o Pleno do Concello, concretamente con data 19 de abril de 2012, en sesión extraordinaria e urxente ao efecto, acordou por unanimdade de todolos seus membros Apoiar a reivindicación da construción e posta en marcha dunha Residencia da Terceira Idade no noso Concello e as xestións feitas, neste sentido, pola Comisión Institucional pro Residencia da Terceira Idade, conformada polos representantes dos grupos políticos e membros da plataforma de asociacións veciñais.
Solicitar da Xunta de Galicia, como institución determinante na consecución deste obxectivo, a inclusión e previsión en Ribadeo dun centro residencial para maiores dentro do Mapa de Residencias de Galicia.
Reclamar o necesario apoio, colaboración e compromiso do conxunto das diferentes administracións para a consecución deste obxectivo.
Apoiar a manifestación convocada para o día 22 de abril, ás 12.00 horas, na Praciña de san Roque, pola Plataforma pro Residencia da 3ª Idade.
Este acordo plenario foi remitido a esa Consellería, de xeito oficial, o mesmo dia 19 de abril ppdo. Igualmente o pasado día 21 de abril, domingo, tivo lugar nesta Vila de Ribadeo unha manifestación da Plataforma de veciños, cun amplíximo seguemento popular, amosando deste xeito o sentemento de necesidade desta infraestrutura para a Vila do que, naturalmente, se fai portavoz ademáis este Alcalde.
Á vista de todo o exposto, dende esta Alcaldía diríxome a Vé. de xeito direto co fín de reiterar a solicitude de entrevista entre vostede e a Comisión Institucional creada para poder expoñerlle axeitadamente todos estes pormenores en relación ao asunto que nos ocupa.
Á espera da súa resposta, reciba un cordial saúdo.
Asdo.Fernando Suárez Barcia
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
