A CASA DA CULTURA ACOLLERÁ O VINDEIRO MARTES, 29 DE MAIO, A SEGUNDA XUNTANZA DE CENTROS DE EDUCACIÓN MUSICAL. NESTA CITA PARTICIPARÁN ALUMNOS DOS CONSERVATORIOS PROFESIONAIS DE FINGOY (LUGO) E VILALBA E DAS ESCOLAS MUNICIPAIS DE MÚSICA DE RIBADEO, XOVE, MONDOÑEDO E BURELA.
.
Burela, 25 de maio de 2012. O auditorio da Casa da Cultura acollerá o vindeiro martes, 29 de maio, a partires das 20 horas a segunda xuntanza de centros de educación musical na que participarán alumnos dos conservatorios profesionais de Fingoy (Lugo) e Vilalba e das Escolas Municipais de Música de Ribadeo, Xove, Mondoñedo e Burela. Xuntos formarán unha orquestra e ofrecerán unha actuación conxunta.
O director da Escola de Música de Burela, Xan Carballal, explicou que “a idea de realizar esta xuntanza xurdiu o ano pasado en varios centros educativos, co obxectivo de reunir aos grupos de corda e pequenas orquestras que hai en ditos centros”. Carballal sinalou que “se trata de poñer en contacto aos rapaces e rapazas aos que lles gusta o mundo da orquestra. Queremos que teñan unha xornada de convivencia, que se coñezan e que os centros educativos e escolas de música teñan un nexo de unión. É algo importante da cara a subir o nivel musical que teñen estes conservatorios e estas escolas”.
A concelleira de Educación e Cultura, Mónica Pedre, resaltou o apoio do Concello á Escola Municipal de Música, “na medida das nosas posibilidades seguiremos apoiando a educación musical en todo aquelo que dependa do Concello, tal e como viñemos facendo ata o de agora”. E destacou que “esta xuntanza é un primeiro paso na colaboración dos centros educativos musicais da provincia de Lugo. É un encontro importante para que os rapaces compartan experiencias e inquedanzas”. Pedre convidou “á toda a xente amante da música a que asista a esta actuación que terá lugar o vindeiro martes na Casa da Cultura de Burela. Seguro que todos imos disfrutar moito con ela”.
O acto de presentación da segunda xuntanza de centros de educación musical tivo lugar este mediodía no Concello de Burela. Alí estiveron tamén o alcalde, José María González Barcia, e representantes dos centros e escolas participantes.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
