Preto de 160 escolares da provincia coñeceron con actividades didácticas da Deputación os beneficios da agricultura sostible
– As xornadas concluíron este mércores no CEIP Santa María da Fonsagrada, tras celebrarse nos colexios San Xoán de Becerreá, Castroverde e Poeta Uxío Novoneyra do Courel
– Os rapaces recibiron un DVD con contidos interactivos que lles permitirán coñecer a fondo as características e importancia do cultivo ecolóxico
A Deputación de Lugo concluíu hoxe no CEIP Santa María da Fonsagrada o ciclo de xornadas didácticas que organizou para dar a coñecer ós máis pequenos as características, beneficios e importancia da agricultura sostible. Nas actividades participaron preto de 160 rapaces de catro colexios. Deste xeito, ademais de no da Fonsagrada, o programa sobre Produción hortofrutícola e consumo responsable tivo lugar nos CEIP San Xoán de Becerreá, Castroverde e Poeta Uxío Novoneyra do Courel. Nas xornadas, dous técnicos en hortofruticultura explicaron ós nenos de maneira sinxela e amena, e co apoio de material ilustrativo, a importancia de facer un bo uso dos recursos, sobre todo no referente á produción e consumo de produtos alimentarios. Os rapaces recibiron ademais un DVD con contidos interactivos –información e xogos- que lles permitirán coñecer a fondo as prácticas, características e beneficios da agricultura sostible.
O organismo provincial desenvolveu esta iniciativa de formación e concienciación a través do programa Lug02, a través do que a institución luguesa quere consolidar o medio ambiente como a oportunidade económica da provincia.
De xeito complementario ás xornadas para escolares, celebráronse sesións teóricas e prácticas dirixidas a profesionais –gandeiros e agricultores- sobre a produción ecolóxica e sostible nos Concellos do Courel, A Fonsagrada, Vilalba, Cervantes e O Valadouro. Participaron máis de 200 persoas, que, de xeito totalmente gratuíto, coñeceron métodos de produción respectuosos co medio ambiente e a experiencia dun produtor, e participaron nunha mesa redonda para resolver dúbidas, ademais de recibir unha guía de boas prácticas en hortofruticultura, en formato papel e dixital. Como colofón, houbo unha sesión de formación práctica nunha explotación hortofrutícola, en concreto na de Edmundo Maseda, no Valadouro, na que coñeceron de primeira man as prácticas máis recentes que se están desenvolvendo en canto a produción sostible de produtos da horta e de froiteiras (plantación, abonado, poda, rega, recollida e conservación, entre outras), así como o aforro de recursos que supoñen e a calidade dos cultivos obtidos.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
