O ALCALDE E A CONCELLEIRA DE SERVIZOS SOCIAIS FELICITAN AO OBRADOIRO DE CERÁMICA DA FUNDACIÓN EU SON, QUE OBTIVO O RECOÑECEMENTO COMO MARCA DE ARTESANÍA DE GALICIA. O SÁBADO HABERÁ UN POSTO DE VENDA NA I FESTA CASTREXA DE BURELA.
Burela, 5 de xullo de 2012. O alcalde de Burela, José Mª González Barcia, e a concelleira de Servizos Sociais, Diana Durán, felicitan ao obradoiro de cerámica da Fundación Eu Son, que obtivo o recoñecemento como marca de Artesanía de Galicia. Durán considera que “se trata dun feito moi importante e que teñen ben merecido polo traballo que realizan”.
González Barcia, tamén presidente do padroado da Fundación Eu Son, explica que “no pasado mes de xuño a Consellería de Economía e Industria resolveu autorizar á Fundación Eu Son o uso da marca Artesanía de Galicia para os produtos elaborados no seu obradoiro de cerámica. Previo a esta concesión o monitor, Juan Eijo Quelle, encargado da formación dos usuarios/as tivo que solicitar a Carta de Artesán, concedida neste caso con data 1 de xullo de 2011. E a Fundación tivo que solicitar á Comisión Galega de Artesanía a cualificación de Taller Artesanal, resolución favorable emitida con data de 17 de abril de 2012”.
Durán lembrou que “a Fundación en setembro de 1998 puxo en funcionamento un Centro Ocupacional co obxectivo de ofrecer un servizo que permita a persoas con discapacidade intelectual alcanzar a integración laboral e a realización persoal e social. O obradoiro de cerámica foi, dende o seu inicio, a actividade principal deste Centro Ocupacional. Despois de tantos anos de formación, a evolución das pezas que saen deste obradoiro foron mellorando en deseño e calidade. Actualmente, o obradoiro conta cun artesán e 27 persoas usuarias que son formadas nos distintos procesos de fabricación das pezas en función das súas capacidades, fomentando o traballo en equipo e que cada unha delas se sinta partícipe de cada unha destas creacións”. Os produtos do obradoiro son elaborados para a súa posterior venta. Actualmente os principais clientes soen ser institucións públicas e privadas, asociacións, clientes particulares, etc…
O rexedor e presidente do padroado da Fundación Eu Son subliñou que “con esta distinción outorgada os nosos obxectivos a corto prazo será a introdución no mercado das nosas pezas a través da venda por internet, en comercios da comarca e en feiras. E este sábado, 7 de xullo, colocaremos un punto de venta na I Festa Castrexa de Burela .
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
