A VICEPRESIDENCIA DA DEPUTACIÓN COLABORA NA ORGANIZACIÓN DA HOMENAXE A LEIRAS PULPEIRO NO CENTENARIO DO SEU PASAMENTO
Antonio Veiga explicou que “estamos ante un evento que non ten importancia só a nivel comarcal, senón tamén para toda a provincia e para o noso país”
Estas “V Xornadas do Peregrino” inclúen un roteiro por lugares vinculados á vida e obra do escritor mindoniense, así como coloquios , táboas redondas e actuacións musicais
Lugo, 5 de xullo de 2012. O vicepresidente da Deputación de Lugo e responsábel das áreas de Benestar Social e Deporte, o nacionalista Antonio Veiga vén de presentar, no salón de actos da institución provincial, as “V Xornadas do Peregrino”, que terán lugar en Mondoñedo e arredores, desde mañá ata o domingo, e coas que se pretende homenaxear á figura do escritor mindoniense Manuel Leiras Pulpeiro, co gallo do centenario do seu pasamento. No acto de presentación tamén participaron Luís Fernández Ansedes, presidente da Asociación “Abrindo Camiño” de amigos do Camiño Norte de Santiago, Xusto Fernández Haro, tenente alcalde de Mondoñedo e concelleiro de Cultura, organizadores destas xornadas xunto coa Vicepresidencia do ente provincial, e o escritor Ramón Reimunde, que participa neste proxecto.
O roteiro que se propón iníciase no Centro Cultural Alcántara, espazo dedicado a divulgar vida e obra de sobranceiros mindonienses, e discorre por lugares vinculados á biografía de Leiras Pulpeiro, así como á súa obra e á súa actividade como médico, visitando paisaxes, como a Fervenza, especialmente amadas polo autor, entre outros fitos de interese histórico, etnográfico e cultural.
O programa contempla unha serie de actividades complementarias ao roteiro. Mañá haberá unha mesa redonda: “Manuel Leiras Pulpeiro: Poeta verdadeiro e Home de Ben”, así como a actuación da Coral “Mestre Pacheco” da Escola Municipal de Música de Mondoñedo. O sábado terá lugar un coloquio sobre “A labor das Asociacións no Camiño do Norte” e a actuación da Banda de música local, e o domingo haberá unha romaría na área recreativa da Ferveza de Viloalle, con xogos populares e actividades acuáticas na piscina fluvial.
Na súa intervención, Antonio Veiga explicou que “estamos ante un evento que non ten importancia só a nivel comarcal, senón tamén para toda a provincia e para o noso país”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
