Lémbralle que o anuncio contra o rescate bancario publicado pola Deputación en varios xornais da provincia estaba asinado pola Vicepresidencia deste organismo e que lonxe de ser hoxe un asunto resolto foi denunciado diante da Fiscalía
O PP DE CERVO LAMENTA QUE O PSOE AVALE O USO CON FINS PARTIDISTAS DA DEPUTACIÓN DE LUGO
A publicidade do Partido Popular de Cervo na última campaña electoral das municipais cumpriu escrupulosamente a legalidade, mentres que a Deputación pretendeu facer pasar por publicidade institucional o que era un anuncio partidista do BNG, incumprindo a normativa vixente.
Cervo 31 de xullo de 2012.- O Partido Popular de Cervo lamenta que o PSOE local defenda o uso con fins partidistas da Deputación de Lugo, e amosa a súa tristeza ante o intento dos socialistas por confundir á cidadanía mesturando cuestións que nada teñen que ver unhas coas outras. Para o PP é incomprensible que “na liña de radicalidade habitual dos socialistas cervenses, sexan máis papistas que o Papa, e intentan defender un feito grave e desafortunado que a propia Deputación cualificou como un erro que non debería repetirse”
A pasada semana o Pleno municipal de Cervo, de xeito similar ao que están a facer outros concellos da provincia, reclamou ao presidente e vicepresidente da Deputación de Lugo que asuman as súas responsabilidades políticas e dimitan. A devandita petición tiña por obxecto censurar o que se está a converter nun comportamento habitual dos responsables do Goberno bipartito provincial: facer pasar por campañas institucionais o que simplemente é propaganda partidista.
A polémica xurde despois de que diversos xornais publicaran un anuncio contra o rescate bancario asinado pola Vicepresidencia da Deputación pero que en realidade eran mensaxes da campaña publicitaria que o BNG estaba a facer en toda Galicia.
BOLETÍN DO PP DE CERVO
Pola contra o boletín ao que fai referencia o PSOE forma parte da campaña informativa promovida por un partido político, o PP de Cervo, no marco da última campaña electoral das eleccións municipais e cumpriu escrupulosamente coa legalidade. De feito ninguén denunciou a súa distribución xa fai hoxe máis dun ano.
Con este boletín os populares buscaban render contas da súa xestión ao fronte do Goberno municipal e en todo momento quedaba claro que o distribuía o Partido Popular e non, ningunha administración, e non o Concello.
“Queiran ou non recoñecelo, isto é moi diferente do que fixo a Deputación que pretendeu facer pasar pasar por publicidade institucional o que era un anuncio partidista do BNG, incumprindo a normativa vixente”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
