Cubertas máis do 50% das prazas para participar esta fin de semana nas actividades gratuítas de Lugoteando en Viveiro e Foz
– As últimas localidades dispoñibles para os días 18 e 19 de agosto pódense reservar chamando ó 982-12-00-64, 609-90-32-11 ou en www.deputacionlugo.org
– Logo da III Peregrinación Marítima do sábado, a Deputación volta a apostar co Lugoteando polo medioambiente e o turismo como oportunidades únicas para xerar riqueza na Mariña
Lugoteando, a iniciativa de ocio medioambiental que chega á súa terceira edición, continúa a ter un gran poder de convocatoria entre os lucenses, con máis de 100 persoas que xa teñen reservado praza nalgunha das actividades programadas para esta fin de semana na Mariña. Os que aínda non o teñan feito, poden participar reservando algunha das localidades libres, chamando ós teléfonos 982-12-00-64, 609-90-32-11 ou ben a través de Internet en www.deputacionlugo.org. Nesta páxina web poderán descargar o formulario, que deberán enviar cuberto a lugoteando@deputacionlugo.org ou ben, no caso de quedar prazas libres, presentar nos lugares de celebración das actividades antes do comezo das mesmas. Todas as actividades son totalmente gratuítas. Deste xeito, logo de celebrar este pasado sábado a III Peregrinación Marítima, a Deputación volta a apostar co Lugoteando polo medioambiente e o turismo como oportunidades únicas para xerar riqueza na Mariña.
O sábado 18, os que se acheguen ata a contorna do Clube Náutico de Viveiro poderán pasar o día na auga, se as condicións do mar o permiten, tomando parte en actividades coma bolas ou bananas acuáticas; paddle surf ou scooters acuáticos. Non só se poderán divertir no mar, senón que en terra firme poderán facer percorridos en segways ou dar unha volta en skates eléctricos. O domingo 19 o escenario será a praia da Rapadoira de Foz. Alí os participantes terán a posibilidade de practicar surf, kite surf e paddle surf; bolas e bananas acuáticas e mergullarse cos scooters acuáticos, ou ben usar os skates eléctricos ou desprazarse en long board. Durante estes dous días, o horario de todas as actividades serán de 15:00 a 20:00 horas.
Ocio medioambiental e turismo desestacionalizado
Lugoteando forma parte da extensa programación de actividades postas en marcha durante o verán pola Deputación de Lugo que, ó tempo que ofrecen unha alternativa de ocio que combina o lúdico coa concienciación medioambiental, poñen en valor a riqueza medioambiental da provincia e potencian o turismo fóra da estación estival, xa que este é un sector que representa o 30% do PIB lucense e que, de momento, non se ve afectado pola crise. De feito, esta fin de semana vén de celebrarse con éxito en Foz a III Peregrinación Marítima, organizada pola Deputación de Lugo e o Clube Náutico de Foz, durante a que as tripulacións dos 14 veleiros participantes e todos os lucenses que tiveron a oportunidade de viaxar de balde nestes navíos, apoiaron á institución provincial reivindicando melloras nas instalacións portuarias, da costa luguesa e da declaración oficial do Camiño da Costa como factores de xeración de riqueza e emprego na provincia.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
