A Fundación TIC apoia as empresarias da provincia con vídeos promocionais elaborados por alumnos da Escola
– Os 43 spots difundiranse a través da plataforma de comercio electrónico da Deputación losproductosdelugo.com, as redes sociais e diversas canles de televisión
– Esta actuación é froito do convenio de colaboración entre a TIC e a asociación e súmase a outras iniciativas de apoio ó tecido empresarial da provincia como o Street Market, a Noite Aberta ou a Feira Outlet
– A TIC impulsa o labor doutras 100 asociacións e empresas tecnolóxicas mediante traballos audiovisuais nos que colaboran os estudantes e bolseiros do único centro en Lugo que imparte ensinanzas da rama audiovisual, facilitando a súa inserción laboral
A Fundación TIC presentou este luns 43 vídeos promocionais de empresas integradas na Asociación de Empresarias de Lugo (AELU) que foron elaborados por alumnos e bolseiros da Escola de Imaxe e Son (EIS), baixo a supervisión de técnicos da TIC. A iniciativa forma parte do convenio de colaboración entre a Fundación e o colectivo e ten por obxectivo poñer en valor os produtos e servizos das asociadas de AELU a través da plataforma de comercio electrónico da Deputación losproductosdelugo.com, do portal da asociación e-Deidades e as redes sociais, así como a súa emisión en diversas canles de televisión.
O Presidente da Fundación e da Deputación, José Ramón Gómez Besteiro, que estivo acompañado pola Presidenta de AELU, Beatriz Varela, e a Concelleira de Educación de Lugo, Esther Muñoz Mella, destacou a importancia deste tipo de iniciativas para apoiar ós autónomos e pequenos empresarios “nunha época especialmente complicada para un sector estratéxico na economía da provincia que se ve agravada coa suba do IVE”. Gómez Besteiro fizo fincapé no feito de que, ó mesmo tempo que se potencia a actividade das empresarias mediante as novas tecnoloxías, tamén se promove a formación práctica dos alumnos do único centro da provincia de Lugo que imparte ensinanzas da rama audiovisual, co obxectivo de promover a súa inserción laboral.
Promoción a través das redes
O Presidente da TIC fixo entrega a cada unha das empresarias dun DVD co spot do seu negocio, que poderán colgar nas súas respectivas webs e difundir a través das redes sociais. Ademais, Beatriz Varela recibiu un vídeo promocional de AELU, no que se dan a coñecer os servizos que presta a organización ás emprendedoras da provincia. Os produtos audiovisuais elaborados pola Fundación expoñeranse no portal da asociación: e-Deidades: Empresarias de Lugo na Rede que conta cun enlace ó centro comercial on line do organismo provincial losprodutosdelugo.com.
A Fundación TIC coa economía da provincia
A iniciativa da TIC súmase a outras de apoio ó tecido empresarial da provincia. A última de elas foi o Street Market, organizado pola Asociación de Autónomas, Empresarias e Profesionais de Lugo. Neste caso, técnicos e bolseiros da TIC fixeron unha ampla reportaxe sobre a cita para difundir en canles de televisión, cadeas radio e redes sociais, ó igual que fixeron coa Noite Aberta ou a Feira Oulet. Ademais, a Fundación TIC está a colaborar con máis de 100 asociacións e empresas tecnolóxicas a través da elaboración de produtos audiovisuais para dalas a coñecer á sociedade lucense e difundir as súas actividades. Entre as organizacións coas que colabora a TIC figuran ONG´s, asociacións culturais, deportivas e empresas que fomentan o emprego das novas tecnoloxías no tecido industrial da provincia. En todos os casos, participan alumnos e bolseiros da EIS co obxectivo de completar a súa formación de cara á súa futura inserción laboral, que é unha das prioridades da Fundación.
Máis de 20 anos de AELU
A Asociación de Empresarias de Lugo naceu en 1998 como unha organización sen ánimo de lucro que aposta polo futuro das mulleres emprendedoras da provincia e a creación dunha nova visión da empresaria dentro da sociedade lucense. Na actualidade conta con 120 socias de toda a provincia, pertencentes a diversos sectores que van dende a agricultura e a construción, pasando polo ensino, o lecer, a decoración ou o asesoramento. AELU presta as súas asociadas labores de asesoramento, xestión de documentación para solicitar axudas e subvencións, formación, ofertas ou demanda de emprego, entre outros servizos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
