A Deputación acolleu a entrega do Cd co arquivo sonoro de Sons da nosa Fala, mil voces recitando mil poemas de Celso Emilio Ferreiro
– Nunha emotiva cerimonia no Salón de Actos a Real Academia Galega e a familia do poeta recibiron un Cd con mil poemas recitados por outras tantas persoas de mans do Grupo Radio Lugo-Cadena Ser
-Os actos deron comezo coa sinatura no Libro de Ouro da Deputación por parte do Presidente da Real Academia Galega que agradeceu “esta xoia prezada, un documento único e irrepetible”
– Gómez Besteiro destacou que todas as homenaxes desenvolvidas arredor da figura do poeta a desta mañá “é a máis participativa e perdurable” o “
A Deputación de Lugo exerceu esta mañá de anfitriona do acto de entrega do cd que recolle os froitos do proxecto Sons da nosa fala. Mil voces para Celso Emilio Ferreiro, posto en marcha polo Grupo Radio Lugo e coordinado polo locutor Paco Nieto e a xornalista Tania Lombao, e que animou a mil persoas a prestar a súa voz para homenaxear ó poeta de Celanova no centenario do seu nacemento. Nenos e maiores, lucenses, galegos e mesmo xentes de orixe xaponesa, rusa, francesa, italiana ou irlandesa quixeron facer as súas particulares homenaxes a Ferreiro, recitando poemas do poeta que eles mesmos escolleron.
Estas mil voces pasarán a formar parte dende hoxe do arquivo histórico da Real Academia Galega, cuxo Presidente, Xosé Luis Méndez Ferrín, recibiu o Cd recompilatorio para a súa garda e custodia xunto cunha memoria do proxecto que, previsiblemente, continuará ata finais de ano. Así mesmo e cun significado máis emotivo, o fillo do poeta, Luis Ferreiro, recibiu outro exemplar para a familia a modo do homenaxe a un dos artistas galegos que, tal e como subliñou Gómez Besteiro durante a súa intervención, “é, sen dúbida, un dos poetas galegos con maior proxección dentro e fóra de Galicia”.
Os actos presididos por Gómez Besteiro en calidade de anfitrión, e nos que, xunto co Presidente da Real Academia Galega e o fillo do poeta, estiveron presentes Julio Beberide Martínez, Presidente do Grupo Radio Lugo-Cadena Ser e Antón Bao, o Tenente de Alcalde e titular da Concellería de Cultura do Concello de Lugo, institución patrocinadora da iniciativa, deron comezo coa sinatura no Libro de Ouro da Deputación por parte do Presidente da Real Academia Galega, coa que quixo deixar constancia do seu agradecemento á Deputación pola acollida e a todos as persoas, públcias e anónimas, que fixeron posible esta iniciativa.
A homenaxe máis participativa e perdurable
Durante a súa intervención, Gómez Besteiro lembrou con motivo da conmemoración do nacemento do poeta “moitos foron os congresos, homenaxes e xornadas desenvolvidas que arredor da súa figura se teñen levado a cabo, de punta a punta en Galicia”, pero que a homenaxe que está mañá se lle tributou na Deputación é “a máis participativa e perdurable no que vai de ano”.
Igualmente, o Presidente quixo subliñar a pegada de Celso Emilio non só por ser “un dos poetas con maior proxección dentro e fóra de Galicia” e pola extraordinaria incidencia que tivo para outras manifestacións culturais, sendo fonte de letras para numerosos músicos “comprometidos coa tarefa de concienciar á sociedade”, senón tamén porque chegou a liderar “toda unha fronte contra a ditadura e as inxustizas sociais” co seu discurso comprometido en obras coma Longa noite de pedra.
Julio Beberide salientou o compromiso de Radio Lugo co idioma galego, lembrando que “na época da República as emisións de Radio Lugo abríanse coa emisión do noso Himno” e coa cultura, para o que fixo unha lembranza polas figuras senlleiras que desfilaron pola emisora ó longo dos anos de historia da emisora, coma Castelao, Otero Pedrayo ou Trapero Pardo.
Na súa intervención, Xosé Luis Méndez Ferrín comezou dando “grazas, beizóns e moitas mercedes” ás mil voces que participaron, e asegurou que gardarían a recompilación entregada hoxe coma “unha xoia prezada, un documento único e irrepetible”, engadindo que “Celso Emilio Ferreiro está máis vivo que nunca nestas voces”
Pola súa banda, Luis Ferreiro quixo agradecer, en nome da familia e da Fundación Celso Emilio Ferreiro, á Cadena Ser, á Deputación e a Real Academia Galega por conservar os poemas recitados para o futuro. Así mesmo, quixo destacar que “a poesía debe espallarse no pobo, para que así cheguen as ideas á xente”.
Antón Bao aproveitou a súa quenda para citar algún dos versos contidos na obra Cemiterio privado, que permitiron ó poeta sacar á luz os seus obxectivos como persoa, “resumindo a alma e o pensamento de Celso Emilio Ferreiro”. Rematou lembrando as verbas de Ferreiro coas que falaba da “lingua proletaria do meu pobo”.
Autoridades
O Salón de Actos do Pazo de San Marcos quedou pequeno para acoller as ducias de persoas que quixeron ser testemuñas do emotivo acto. Moitas xentes de Lugo que participaron neste proxecto, así como destacados persoeiros da cultura e do mundo da radio. O deputado de Xestión Territorial, Manuel Martínez; a candidata do PSOE pola provincia de Lugo, Concepción Burgo; a portavoz do grupo provincial popular, Elena Candia; a Concelleira de Benestar Social, Igualdade e Xuventude do Concello de Lugo, Carmen Basadre; o Subdelegado do Goberno en Lugo, Ramón Carballo; os membros do grupo popular municipal do Concello de Lugo Jaime Castiñeira, Isabel Devesa e Antonio Ameijide; personaxes do mundo da cultura como o Cronista Oficial da Provincia de Lugo, Juan Soto Gutiérrez; os escritores Darío Xohan Cabana e Paco Martín ou a locutora Tonina Gay.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
