A MARIÑA E O SEU FERROCARRIL
O grupo municipal do PP defende o mantemento de FEVE como medio de transporte necesario, ecolóxico, lúdico e asequible para todos os habitantes da Mariña
A liña de FEVE que une Ferrol con Gijón comezou a súa andaina en 1886, e pasaría por moitas vicisitudes ata completar o actual percorrido en 1972. Foi necesario construír 110 túneis, 27 viaductos e 47 estacións nunha lonxitude de 320 kilómetros. O custo total foi de 4.250 millóns das antigas pesetas. Este servizo, que na súa orixe pretendía solventar necesidades militares, permanece hoxe en día como o medio de transporte que une dúas comunidades, a nosa comarca na súa vertente marítima e, de forma máis cercana a nos, vilas e as aldeas que vertebran a mariña luguesa e que permiten desprazarmos de forma fácil e asequible para resolver cuestións burocráticas, sanitarias, administrativas e lúdicas cuxas sedes están en diferentes localidades da nosa comarca.
A alternativa á carretera supón achegarse de forma única a servizos necesarios para os mariñáns e tamén para poñer en valor unha vía de comunicación que mantén intacto o seu obxectivo á vez que actualiza con criterios modernos o uso e a conservación dun medio natural que é a nosa obriga manter e mellorar.
Hoxe en día a utilización deste medio de transporte está en desuso e as cifras que manexa a empresa supoñen un 22% de media de ocupación de prazas sentadas (nalgún tramo as cifras están entre o 10% e o 15%). Con estes números está claro que as necesidades de racionalización que esixe a empresa pasan por un recorte dos servizos; pero esta alternativa leva parada desde que responsables da empresa mantiveron unha reunión cos colectivos de traballadores e frenaron tecnicamente esta reducción co compromiso (por parte do Secretario de Estado de Infraestructuras logo de ser informado polo Conselleiro de Medio Ambiente Agustín Hernández) de manter intacto o servizo ata finais de ano. Está claro que esto non soluciona o problema, pero establece a pauta e os pasos a dar nos vindeiros meses para que os traballadores poidan presentar unha alternativa a este Plan de Transporte presentado pola empresa, e que non debe ser o punto e final deste problema.
Está claro tamén que o futuro a medio prazo de FEVE pasa por cambios de base, de xestión e de control que obedecen a cánones económicos, administrativos e empresariais. Tamén é certo nesta orde de cousas que os avisos catastrofistas e apocalípticos son moeda común antes duns comicios, e os partidos que non están no poder aproveitan a crítica situación económica para responsabilizar dos males humanos e/ou diabólicos ós contrarios ós seus intereses.
Desde esta reflexión, o Grupo Municipal do Partido Popular defende a permanencia deste servizo e colaborará activamente na defensa da calidade das infraestruturas e dos recursos comunicativos da nosa comarca. Chegado o 2013, cando se reúnan de novo a empresa, os traballadores, a Secretaría de Estado de Infraestructuras e todos aqueles que teñan encomendada a revisión destes servizos, e poñan todas as argumentacións posibles para solventar de forma positiva o servizo de FEVE entre Ferrol e Gijón, contarán co noso apoio e a nosa colaboración na defensa destes intereses sociais.
No pleno do concello de Ribadeo a proposta do alcalde ribadense plantexada como posibilidade futurible e, por desgracia posible dado o sino dos tempos, non deixa de ser máis ca un grito electoralista co estribillo lacónico que veñen repetindo desde o comezo desta crise que nos afecta a todos e a todas e da que non somos responsables nin política nin socialmente. O alcalde de Ribadeo publica orgulloso de sí que é o primeiro en protestar por esta posible eliminación de servizos; pois ben, nos cremos que tanto para protestar por algo que aínda non se executou como para esixir que se sobredote e mellore nestes momentos un servizo que está en proceso de revisión debemos antes analizar, falar, agardar a que haxa unha proposta de actuación sobre a que poder opinar. Coma en moitas outras facetas da política social e local o alcalde pon o grito no ceo co seu inocente e sinceiro dedo acusador e maledice con posibles desastres e, por desgracia, algunha vez acertará. Nos non secundamos ese grito; agardaremos a que os protagonistas activos neste proceso constrúan e escollan as posibilidades e defenderemos os recursos e as infraestruturas actuais da nosa comarca dentro da realidade do día a día e do discurrir dos acontecementos. É fácil nestes tempos ser pitoniso do malo e do peor; resulta máis difícil loitar desde a análise e o coñecemento certo das distintas caras e cruces do problema.
Nesa perspectiva analítica e nese labor consciente, realista e racional nos atoparán propios e alleos, por encima de gritos e pataletas de intereses partidistas e particulares.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
