A Mariña, a Montaña e a Ribeira Sacra reciben ós viaxeiros de Km0 desta semana
– Máis de 170 persoas percorrerán Lugo esta semana, achegándose a descubrir as riquezas naturais e patrimoniais da provincia e dinamizando o turismo tras a tempada de verán
– Integrantes de Aspnais e membros das Asociacións Veciñais de Trasbar de Cervo e Sta. Eulalia de Lousada de Guntín, así coma un grupo de viaxeiros individuais participarán nas viaxes programadas ata o sábado
Esta semana, o programa Km0 levará a centos de participantes a descubrir diferentes puntos da xeografía lucense. Entre hoxe e o sábado, ducias de viaxeiros chegarán ata Mariña, a Montaña e a Ribeira Sacra, descubrindo algunha das moitas riquezas naturais e patrimoniais que ofrece a provincia, tal e como milleiros de participantes veñen facendo ano tras ano dende os comezos de Km0.
A visita de 49 membros de Aspnais ó Concello mariñano de Ribadeo permitiralles coñecer Illa Pancha, así como percorrer as rúas do casco histórico da localidade. Esta será a primeira ruta dunha semana na que a Mariña é un dos destinos programados, xunto coa Ribeira Sacra e a zona da Montaña lucense. O mércores é o día escollido por 48 membros da Asociación de Veciños de Trasbar, de Cervo, para achegarse a coñecer as paisaxes de viñedos e adegas coas que se pode gozar na ruta combinada en barco e tren polo río Sil, unha das novidades desta 5ª tempada de Km0. As visitas da semana regresan á Mariña o xoves, cando un grupo de 55 integrantes da Asociación Veciñal de Santa Eulalia de Lousada, de Guntín, se desprace ata outra das senlleiras illas da costa mariñana, a da Coelleira. Este itinerario tamén os levará a visitar o porto do Vicedo e ó mirador do Semáforo. Finalmente, o sábado e dentro da modalidade Km0 Fin de Semana, 24 persoas que se anotaron de xeito individual descubrirán un dos moitos segredos que garda a Montaña, o túnel de Romeor no Caurel, xornada que rematará coa visita ó castro da Torre e ó de Seceda.
Como anotarse
Os interesados en participar en Km0 poden inscribirse chamando ó 982-26-00-74/75; ou entrando en www.deputacionlugo.org onde, dende a portada, deberán acceder ó espazo Km0, completar o formulario e envialo á km0@deputacionlugo.org. A continuación, poderán efectuar o pago, que será de 8 euros para grupos de menos de 24 persoas e individuais, e de 5 euros para grupos de máis de 24 persoas, quedando excluídos todos os colexios e institutos públicos. A institución facilita dúas modalidades de pago: persoalmente no servizo de Tesourería (Pazo de San Marcos) ou nas sucursais de NovaGalicia (co número de conta 20800152663110001425).
A reserva e pago das rutas tamén pode facerse a través da plataforma de comercio electrónico www.losproductosdelugo.com da Deputación. Optando por esta alternativa, os participantes teñen un desconto do 10% no custe das actividades.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
