ROSA QUINTANA DESTACA O PULO ACADADO POLA IXP FABA DE LOURENZÁ, CUNHA PRODUCIÓN ANUAL QUE SUPERA XA OS 7.000 QUILOS
A conselleira do Medio Rural e do Mar asistiu á XXII festa de exaltación deste produto, declarada de Interese Turístico Galego
Emma Alvarez Chao, Fe Rodríguez Rocha e conselleira do Medio Rural xunto co alcalde de Trabada
Lourenzá (Lugo), 6 de outubro de 2012.- A conselleira do Medio Rural e do Mar, Rosa Quintana, achegouse hoxe ata o concello lugués de Lourenzá para asistir á XXII edición da Festa da Faba. A conselleira destacou o pulo rexistrado por este produto, amparado por unha Indicación Xeográfica Protexida (IXP), xa que desde a posta en marcha deste indicativo de calidade diferenciada –en agosto de 2008– pasouse dunha produción rexistrada de menos de 2.000 quilos anuais aos máis de 7.000 acadados en 2011, con 52 produtores e 7 envasadores.
Rosa Quintana salientou a calidade da faba de Lourenzá e animou aos seus produtores a “seguir traballando como ata o de agora, para conseguir un produto no que se nota a profesionalidade e o cariño posto no seu cultivo, un produto que vos distingue e vos fai únicos”. Cara o futuro, a titular de Medio Rural e Mar dixo que “temos que avanzar un paso máis”, no sentido de “establecer un bo sistema de comercialización” para facer posible que “cando en calquera lugar do mundo se pense en fabas, se pense en Lourenzá”.
En relación coa festa, a conselleira destacou que “non deixou de medrar, tanto en importancia como en duración” desde o seu nacemento no ano 1990, e puxo de manifesto o amplo programa de actos, con obradoiros, concursos, exposicións, mercado, actuacións musicais, etc.
Indicación Xeográfica Protexida
A zona de produción, almacenamento e envasado da faba protexida pola IXP Faba de Lourenzá abarca toda A Mariña de Lugo, integrando os concellos de Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, O Valadouro, O Vicedo, Viveiro e Xove.
Festa
A festa da faba naceu en 1990 por iniciativa do Concello de Lourenzá para fomentar o consumo deste produto. Inicialmente centrábase nun concurso de fabas e paulatinamente foron medrando as actividades organizadas, combinando a exaltación gastronómica con eventos lúdicos e culturais, tales como actuacións musicais, exposicións de artesanía e fotografía, animación para os máis cativos, baile ou teatro.
Paralelamente organízase un concurso de tapas a base de fabas que se poden degustar de xeito gratuíto nos establecementos de hostalería da localidade e que este ano acada a súa quinta edición. A celebración está declarada Festa de Interese Turístico Galego.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
