O CIM DE RIBADEO ORGANIZA UN CURSO DE ALFABETIZACIÓN DIXITAL QUE SE DESENVOLVERÁ NA ESCOLA DE OVE TODOS OS MÉRCORES DESDE O 31 DE OUTUBRO ATA O 12 DE DECEMBRO.
Ribadeo, 25 de outubro de 2012. O CIM organiza un curso de alfabetización dixital que se desenvolverá na escola de Ove todos os mércores desde o 31 de outubro ata o 12 de decembro. A inscrición está aberta, segundo anunciaba esta mañá a concelleira de Igualdade, Mariluz Álvarez Lastra.
A edil nacionalista explicou que “desde o Centro de Información á Muller imos iniciar unha nova actividade este 31 de outubro, mércores. Trátase dun curso de alfabetización dixital dirixido a mulleres que se vai desenvolverse na escola de Ove, posto que alí hai instalacións informáticas para poder levalo a cabo e vai ser en sesións de dúas horas desde este 31 de outubro ata o 12 de decembro en horario de seis a oito da tarde. Polo tanto a duración total será de 14 horas”.
Álvarez Lastra sinalou que “é un curso que nós denominamos Sumerxíndonos nas redes e trátase de achegar neste caso ao colectivo de mulleres o uso das novas tecnoloxías para intentar facer contas de correo electrónico, para buscar a información a través da rede, para solicitar peticións, para mandar mensaxes, para comunicarnos con outras persoas. É dicir trátase dunha serie de coñecementos básicos e de utilización dos ordenadores e dos medios informáticos como medio de formación, de comunicación, de relación e de aprendizaxe”.
Todalas aquelas mulleres que estean interesadas en inscribirse no curso de alfabetización dixital deben poñerse en contacto co Centro de Información á Muller, no teléfono 982.120.739, ou tamén no telecentro 982.120.732. A inscrición tamén se pode facer no correo electrónico cim@ribadeo.org.
As plazas son limitadas, o curso é totalmente gratuito e aquelas persoas que o desexen deben anotarse canto antes. Lévase a cabo con carácter pioneiro e experimental en Ove para o funcionamento e si desperta interese entre as veciñas asistentes.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
