NOVA SUBIDA DE IMPOSTOS E TAXAS MUNICIPAIS EN BURELA
Unha vez máis, e por segundo ano consecutivo, o equipo de goberno do PP en Burela vén de subir as taxas e os impostos municipais. Se o ano pasado foi un 3,1%, agora será un 3,4% o que subirán estes prezos de taxas e impostos municipais. Unha “actualización pola evolución do IPC nestes meses” é a xustificación que utiliza o PP para subirnos un ano máis estas taxas municipais, pero o que non din é que non é obrigado subir o IPC, que o fan porque queren. Porque nin os soldos nin as pensións dos nosos maiores van sufrir esta “actualización” e, sen embargo, os impostos e taxas municipais que pagamos todos si o van facer.
Coa excusa da crise (que só serve para subir impostos, non para subir salarios e pensións), o PP de Burela vén de aprobar a subida dunha serie de conceptos por servizos e impostos municipais que non son de recibo nestes momentos en que tantas familias do noso concello están pasando apuros económicos.
Pois ben, no Pleno, o PP de Burela aprobou, co noso voto en contra, as seguintes subidas das taxas municipais: subida dun 3,4 % no imposto de vehículos que pagamos todos os veciños, subida tamén dun 3,4 % na auga (imos pagar o metro cúbico de auga que consumamos a 100-150 das antigas pesetas); e tamén un 3,4 % de subida no lixo, na expedición de documentos (certificados de empadronamento, por exemplo), na taxa por sumidoiros, nas aperturas de establecementos e, entre outros máis, na matrícula da Escola de Música. E mente o Alcalde, como dicía antes, cando di que esta subida é por lei ao estar marcado en 3,4 % a subida do IPC no que vai de ano. Os Concellos non teñen obriga de subir o IPC nas súas taxas municipais. No anterior goberno municipal, que se entere o sr. Barcia porque parece que perdeu a memoria, mantivemos sen subir nin sequera o IPC nestas taxas durante dous anos (e algunhas, como a auga ou o imposto de vehículos, durante tres anos). Os únicos que soben estes prezos ano tras ano son eles, o PP de Burela. Ao mellor estas subidas para o Alcalde non supoñen moito dado o soldo que cobra pero si van supoñer moito para numerosas familias do noso pobo.
Todo o anterior refírese a prezos e taxas xa existentes, pero o PP de Burela vai máis aló e crea dúas novas taxas municipais para cobrarlles aos veciños: a de “plusvalía” pola venda de solares e pisos e unha taxa polas medicións acústicas que se poidan facer polos ruídos que fan os locais de ocio.
Polo que respecta á primeira, é curioso que cando eran bos tempos para as vendas de solares e pisos non se aplicase esta taxa e, agora, cando moita xente ten que vender estas propiedades para saír adiante é cando terán que pagar polo incremento do valor destes solares ou pisos.
E polo que se refire á segunda, á taxa polas medicións de ruídos, nós cremos que non se vai recadar nada e que é unha medida disuasoria para que a xente non denuncie os ruídos porque, segundo se establece nesa ordenanza, se a medición de ruídos non infrinxe a lei, esa taxa (200 €) terá que pagala quen denuncia a suposta infracción de ruídos na súa casa.
En resumo, esta é a política social do PP: subir os impostos e as taxas municipais que pagamos todos os veciños de Burela. Nin nos tempos de crise tan dura que vivimos son capaces de ser sensibles coa realidade e conxelar estes prezos públicos que nos afectan a todos os veciños e veciñas de Burela.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
