MAITE: ‘O 10-3 REFLICTE CLARAMENTE A COMODIDADE ANTE O MÓSTOLES’
O Burela FS Pescados Rubén xa pode contemplar a Primeira División dende o cumio. O esmagador resultado ante o FSF Móstoles, vixente campión da Copa de España, catapultou o golaverage das laranxas para tomarlle a dianteira ao seu compañeiro no trono, o Atlético de Madrid, co que está empatado a 19 puntos. ‘O 10-3 reflicte claramente a nosa comodidade na pista ante o Móstoles’ dixo Maite, unha das protagonistas goleadoras da xornada, que estreou a súa cuadrícula persoal con nada máis e nada menos que un hat-trick: “Non pode haber mellor forma de inaugurar a conta goleadora que na casa e con tripla diana” dixo a ala burelista.
‘Foi unha auténtica explosión, na que todas demos o mellor de nós. Foi un bo traballo de todas, no que tamén participaron as nenas, Silvia e Paula”, explicou a cacereña, un labor que Javier Pardeiro tamén valorou: “Saímos moi concentradas, con intensidade e pretendendo levar a iniciativa do encontro dende o inicio. Traballamos cunha defensa en zona alta dificultando moito a circulación de balón por parte do Móstoles. Froito dese dominio chegaron as ocasións e abrimos fenda no marcador dende o inicio polo que despois todo foi máis doado” reflexionou o adestrador.
A ala laranxa, que nas últimas xornadas está realizando un loable traballo dende a zona de defensa, amosouse estrañada pola reacción desleixada das rivais nun encontro dominado de principio a fin polas de Vista Alegre: “É lóxico que con dous goles en contra xa nos primeiros minutos se tenda a baixar a cabeza, pero un equipo coma o Móstoles, da súa entidade, non se pode permitir ese luxo”.
“Estamos moi felices por acadar o liderado, pero tamén somos conscientes de que isto non fixo máis que comezar e que teremos que xogar todos os partidos ao cento por cento para poder seguir na zona máis alta” coincidiron Maite e Pardeiro, ademais de incidir en que “este privilexio motiva pero tamén impón”.
Co UA Alicante no horizonte máis inmediato, Maite amosouse cautelosa con respecto á próxima cita: “É a saída máis complicada ata o momento. É unha cancha moi difícil, cunha superficie á que non estamos acostumadas; o ano pasado xa se nos resistiu. Ademais esta tempada teñen o plus que lles proporcionan Sofía e Txitxo, dúas xogadoras moi importantes para o equipo”, analizou a futbolista mariñá.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
