Fernando Suárez Barcia, voceiro do Grupo Municipal do BNG de Ribadeo, somete ao Pleno desta Corporación para o seu debate e aprobación, se procede da seguinte Moción:
MOCIÓN EN DEFENSA DAS PERSOAS AFECTADAS POLAS HIPOTECAS
EXPOSICIÓN DE MOTIVOS
O estoupido da crise económica e o incremento do desemprego abocaron a unha delicada situación a miles de persoas que accederon a unha vivenda en propiedade durante o período de bonanza económica a través de préstamos hipotecarios.
Nestes momentos, a perda de emprego, e tamén o deterioro do poder adquisitivo de moitas persoas con emprego, motivados pola persistencia da crise, están a facer aflorar as enormes dificultades que atravesan moitas familias para afrontar os vencementos dos créditos hipotecarios, e con iso a obriga de abandonar a súa vivenda, perdendo así o seu dereito a gozar dunha vivenda digna.
A iso únese que, aínda entregando a vivenda como pago da débeda contraída, non se produce o resarcimento total da mesma, ficando un saldo vivo a favor da entidade financeira que mantén a reclamación do pago pendente sobre outros bens das persoas que xa perderon a vivenda.
Esta situación ten orixe no excesivo valor atinxido por moitas vivendas, ao que contribuíu, impulsada polas institucións financeiras, a política expansiva de concesión dos créditos hipotecarios, intimamente relacionada coa burbulla inmobiliaria. Dun xeito parello ao medre exponencial do prezo da vivenda, tamén se relaxaban as facilidades coas que as entidades financeiras -obsesionadas en obter altos beneficios no curto prazo- taxaron os inmóbeis, que sufriron un descenso inmediato desde a irrupción da crise económica.
Esta delicada situación esixe a adopción de medidas con carácter inminente, pois afecta a un dereito social recoñecido constitucionalmente como é o acceso a unha vivenda digna. Até o momento, o Goberno do Estado púxose de lado das entidades financeiras ao mostrar a súa pasividade malia o aumento das execucións hipotecarias. Así mesmo, a Xunta de Galiza, consonte as súas competencias en materia de protección dos consumidores, consumidoras, usuarios e usuarias, non impulsou unha soa medida para atallar a situación descrita, cando as persoas afectadas teñen a condición de usuarios e usuarias de produtos financeiros.
A presente moción insta a que se avance nunha reforma da normativa civil, hipotecaria e procesual que permita ponderar adecuadamente os intereses en conflito en caso dunha execución hipotecaria, cando a persoa debedora actuou de boa fe e o inmóbel sobre o que se constituíu a garantía hipotecaria constitúe a vivenda habitual, de xeito que existan causas legais de oposición que poidan ser valoradas polos Xulgados en función da situación económica e social da persoa debedora, non só en relación á posición de privilexio do acredor, para evitar con iso que, á profunda falta de ingresos de moitas economías domésticas que lles impide levar un nivel de vida digna, se xunte a perda da vivenda habitual.
Por iso, solicitamos do Pleno da Corporación municipal a adopción do seguinte
ACORDO
Solicitar da Xunta de Galiza a que inste ao Goberno do Estado a
1. Impulsar unha reforma lexislativa en materia civil, hipotecaria e procesual dirixida a protexer as persoas cuxa vivenda hipotecada é residencia habitual, que contemple:
a. Admitir a dación en pagamento como cancelación da totalidade da débeda hipotecaria.
b. Posibilitar que nos procesos xudiciais de execución hipotecaria, existan mecanismos de oposición a favor das persoas debedoras que conduza a unha moratoria no pago dos prazos pactados acomodándoos á situación económica da persoa debedora, á transformación nun contrato de arrendamento con opción a compra ou á condonación parcial da débeda.
2. Vincular calquera axuda pública ás entidades financeiras a aceptaren un Código de Conduta sobre execucións hipotecarias onde se comprometan a negociar coas persoas debedoras que atravesan dificultades económicas e destinan o inmóbel a residencia habitual, unha moratoria no pago da débeda axustándoa á evolución da situación económica.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
