O BURELA FS REGRESA CUNHA DE CAL E UNHA DE AREA NO DESPRAZAMENTO XUVENIL Á CAPITAL GALEGA
As promesas do Burela FS Pescados Rubén regresaron cunha cal e unha de area no seu desprazamento xuvenil á capital galega. A ledicia do conxunto da Liga Nacional, que se impuxo ao Santiago Futsal por un merecido 1-3, tivo como contrapunto o resultado desfavorable dos de Autonómica, que sucumbiron aos composteláns nunha cita goleadora (8-5).
Os pupilos de Iván Cao ‘Lucas’ realizaron unha gran primeira parte e souberon sufrir tras o descanso para non deixar escapar os tres puntos. Xa nos primeiros minutos, Fabio foi o encargado de abrir a lata para os mariñáns, de falta directa. O Burela Fs soubo manter a vantaxe, creándolle moitos impedimentos ao rival para a saída de balón. Antes de chegar ao ecuador, un roubo de Hélder propiciou a segunda diana de Fabio. Á volta, Carlos subiu o 0-3, nuns excelentes minutos dos laranxas, que paseniño se viron minguados polo cansazo e a intensidade do Santiago; a falta de 10 minutos para o final, Marcos reduciu as distancias. Os locais intentaron remontar co xogo de cinco dende o minuto 33, pero o Burela FS puido frear toda envestida grazas a unha excelente defensa.
O cinco inicial laranxa, con Erik, Ángel, Fabio, Hélder e Carlos, completouse con Samuel, Aitor, Rubén e Alemán. As filas santiaguesas estiveron defendidas por Alberto, Cristian, Samuel, Fran e Marcos, na saída, ademais de Iván, Adrián, Jacob e Javier.
Para os de Christian Fustes as cousas non foron tan sinxelas. Os erros laranxas marcaron o desenvolvemento dun encontro no que o Santiago Futsal si que estivo atento e soubo alimentarse de todos os desaxustes visitantes.
Do lado burelista, Marcos, Bruno, Miguel (1), Rubén e Francisco (2) compuxeron o cinco inicial; saíron despois Isaac, Aitor (2), Adrián, Giovanni, Daniel, José e Iván. Polos composteláns, participaron Felipe, Miguel (3), Daniel (1), Juan (2) e José María (1), ademais de Nicolás, Bruno (1), Jorge e Ignacio.
Liga Nacional Xuvenil
Santiago Futsal 1-3 Burela FS
Liga Autonómica Xuvenil
Santiago Futsal 8-5 Burela FS (15ª xornada)
Liga Autonómica Infantil
Os Meigallos FS 0-5 ED EON Burela FS (aprazado da 1ª xornada)
EDM Verín FS 7-1 ED EON Burela FS
Amigables
Burela FS Cadete 5-8 Burela FS Xuvenil
ACD Xove FS Cadete 1-8 Burela FS Cadete
ED EON Burela FS Alevín 10-2 Club del Mar A Mariña FS
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
