RIBADEO (FNC) .- Ribadeo acollerá do 30 de abril ao 3 de maio a feira Con queixo, pan e viño, ven ao camiño, na que poderán participar ata 90 expositores cos seus productos chegados desde diferentes autonomías e doutros países coma Portugal ou Francia. O alcalde, Fernando Suárez, sinalou na presentación que “esta feira do Camiño Norte, que se vai celebrar en Ribadeo, vai ser do máis importante que teñamos feito nunca aquí. Será durante 4 días na longa ponte do 30 de abril ao 3 maio. É posible grazas a colaboración interdepartamental entre diferentes áreas do goberno galego (da Consellería de Innovación e Industria, a través do Xacobeo e da Dirección Xeral de Turismo, así como da Consellería de Medio Rural) e das áreas de Cultura e Turismo da Deputación Provincial de Lugo, coa coordinación das fundacións comarcais da Mariña Oriental e Central”.
O rexedor segueu a contar que “baixo o nome de Con queixo, pan e viño, ven ao camiño imos facer un evento no parque de San Francisco, nunha carpa de 1.300 metros cadrados con capacidade para 90 stands. Están convidadas tódalas denominacións de orixe de diferentes territorios: Euskadi, Navarra, A Rioxa, Castela, Extremadura, Asturias e, como non, Galicia. Tamén estamos xestionando a presencia dalgúns productos do sur de Francia e de Portugal, co cal lle poderiamos dar unha dimensión internacional a esta feira. Con esto pretendemos que Ribadeo sexa un lugar de encontro, de potenciación do Camiño de Santiago cara ao Xacobeo 2010. Aproveitando unha ponte longa, na que Ribadeo será un destino turístico importante, a xente poderá degustar e mercar productos de máxima calidade, con denominacións de orixen, de queixo, viño e pan”.
Fernando Suárez amósase convencido de que “a xente do noso concello, da Mariña e do Occidente asturiano virá a este evento gastronómico e turístico, que ten un custe de 40.000 euros, cantidade que practicamente toda está financiada por diferentes administracións diferentes ao Concello”.
Ribadeo acolle a feira “Con queixo, pan e viño, ven ao camiño” do 30 de abril ao 3 de maio
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
