TEATRO, MÚSICA E RADIO CENTRARÁN A OITAVA EDICIÓN DA CAMPAÑA DE SENSIBILIZACIÓN EN IGUALDADE NOS CENTROS EDUCATIVOS UN FUTURO POR COMPARTIR EN IGUALDADE.
Ribadeo, 15 de novembro de 2012. O teatro, a música e a radio centrarán a oitava edición da campaña de sensibilización en igualdade nos centros educativos Un futuro por compartir en igualdade que organizan as Concellarías de Igualdade e Mocidade, o CIM e a Oficina Municipal de Información Xuvenil de Ribadeo.
A edil Mariluz Álvarez Lastra sinalou que “entendíamos hai oito anos e seguimos a pensar agora que a mellor forma de atallar a violencia de xénero é con moita prevención. Os obxectivos e bases nas que se asenta Un futuro por compartir en igualdade son os mesmos, pero varían cada ano as formas de implementación da campaña e os métodos utilizados para dirixirnos ao alumnado. Imos facendo cambios e adaptándonos aos novos gustos e usos da sociedade”.
A concelleira de Igualdade subliñou que “quizáis este ano demos un xiro e centramos moito as actividades no aspecto teatral, na música e tamén na radio. Outros anos centrámonos nos guións cinematográficos e este anos quixemos poñer en valor outro medio de comunicación como é o caso das radios, que ao mellor para os alumnos e alumnas dos centros participantes son máis descoñecidos. É un xeito de recoñecer tamén a ese medio e de empregalo para difundir tamén as mensaxes e os traballos que se fagan e darlles a opción de participar dese medio”.
Para Álvarez Lastra “a satisfacción de poder grabar un programa de radio, de poder ir a uns estudios, de grabarse e de escoitarse é un xeito de probar algo novo, de probar este medio”. Os nenos de 2º e 3º de infantil disfrutarán de contos narrados e de participación activa como os que se están a desenvolver na biblioteca municipal durante os sábados do mes de novembro.
Os nenos e nenas de primaria traballarán o teatro con obradoiros dirixidos a alumnos de 4º, 5º e 6º. En total participarán neles 261 rapaces, que estarán coordinados por María Inés Cuadrado, actriz e narradora oral. Estas actividades desenvolveránse os días 19 e 20 de novembro. “Os profesionais que traemos ou ben temos referencia directas ou información previa para tentar garantir o éxito das actividades, explicou a concelleira de Igualdade.
Con alumnos de 3º e 4º de ESO participarán nun concerto acústico con Sés, Mª Xosé Silvar, “que xa tivemos a oportunidade a través doutro curso que se fixo en xuño de disfrutar dun concerto, de poder falar con ela e de ver a súa rama pedagóxica”. As charlas de Sés e o concerto que ofrecerá co seu guitarrista serán o día 23 de novembro entre as 10:30 e as 12:30 da mañá. A esta actividade acudirán 256 rapaces e rapazas de ESO.
A novidade deste ano Radiando igualdade, “trátase dun concurso de guións radiofónicos que deberán facer os alumnos e alumnas participantes. Terán un período de formación, outro de elaboración e despois chegará a posta en escea. O alumnado co apoio do profesorado e persoal técnico será o propio protagonista do deseño dun programa de radio. Elexirán o formato: tertulia, entrevista, informativo… e farán a montaxe de todo o programa, desde o guión ata a súa emisión en directo”.
Na oitava edición de Un futuro por compartir en igualdade participan os colexios Gregorio Sanz e Sagrado Corazón, o IES Dionisio Gamallo Fierros e o ciclo de FP Porta da Auga.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
