O CONCELLO INVISTE MÁIS DE 40.000 EUROS NO ARRANXO DO PARQUE DO XARDÍN E NAS BEIRARRÚAS PENDENTES DESA ZONA. O ALCALDE AGARDA QUE AS OBRAS ESTEAN LISTAS ANTES DE FINAIS DE ANO.
Ribadeo, 16 de novembro de 2012. O Concello inviste máis de 40.000 euros no arranxo do parque do Xardín e nas beirarrúas pendentes desa zona. O alcalde, Fernando Suárez, agarda que nenos e nenas volten disfrutar dos seus xogos antes de que remate o ano.
O rexedor dixo que “levamos varios meses de espera despois de que uns senvergoñas queimaran este parque infantil tan usado por tantos nenos e nenas deste barrio do Xardín, singularmente desta zona das vivendas sociais. E por fin estamos iniciando as obras de arranxo deste parque e de remate para completar esta urbanización á que lle quedaban unhas beirarrúas por facer e unha serie de elementos que van redundar na seguridade viaria dos veciños, dos peóns, e tamén na seguridade do parque porque vámolo poñer máis retranqueado, máis cara atrás, para que precisamente os vehículos non pasen pola beira, tal e como estaba sucedendo ata o momento”.
Suárez Barcia sinalou que “tivemos varios meses de espera porque para esta actuación pedímoslle unha axuda económica á Xunta de Galicia e despois de que lamentablemente o goberno autonómico non se acordara de Ribadeo á hora de botarnos unha man neste parque decidimos facelo cos nosos fondos propios”.
O alcalde ribadense agarda que “antes de que remate este ano no que estamos os nenos e nenas de todo ese barrio terán ese parque funcionando, máis seguro do que estaba e coas beirarrúas rematadas para maior seguridade e para distanciar os vehículos dos nenos que están xogando nesa zona pública recreativa”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
