A Deputación expón o plan Lug02 como fórmula de éxito para o desenvolvemento sostible da provincia no ciclo Luis Asorey
– O director de Fondos Europeos, Pablo Rivera, explicou no congreso as directrices deste programa financiado nun 80% pola Unión Europea e dotado con 11,5 millóns de euros, entre a primeira fase, xa rematada, e a segunda, que se atopa en marcha
– A plataforma de comercio electrónico www.losproductosdelugo.com; as marcas LugoSabe e Lugo02; e a realización de auditorías nos Concellos para aforrar custes na factura enerxética son algunhas das accións do Lug02 para impulsar a economía lucense
– O décimo aniversario da Reserva Terras do Miño centra este ano o Ciclo de Conferencias Luis Asorey, organizado pola Real Academia Galega de Ciencias, coa colaboración da Deputación e da USC. As xornadas rematan mañá
O director do departamento de Fondos Europeos da Deputación, Pablo Rivera, participou este martes no 23º Ciclo de Conferencias Luis Asorey ofrecendo unha conferencia na que expuxo o programa Lug02 do organismo provincial como fórmula de éxito para garantir un desenvolvemento sostible da provincia de Lugo, así como a protección do medio ambiente. Rivera explicou no congreso os obxectivos e directrices deste proxecto, financiado nun 80% pola Unión Europea e dotado con 11,5 millóns de euros, entre os 5 da primeira fase, e os 6,5 da segunda, que se atopa en marcha na actualidade despois de que a UE renovara a confianza nesta iniciativa da Deputación de Lugo.
A posta en marcha da plataforma de comercio electrónico www.losproductosdelugo.com da que forman parte medio cento de empresas lucenses; a creación das marcas LugoSabe e Lug02, que locen xa 57 firmas alimentarias e turísticas; o navigador xeográfico www.delugo.es; o programa medioambiental de rutas Km0, que conta con 250 empresas colaboradoras; ou a realización de auditorías en 37 Concellos da provincia para aforrar na factura enerxética son algunhas das accións desenvolvidas pola Deputación no marco do Lug02 co fin de impulsar a economía lucense. Grazas a este programa creáronse xa 420 empregos directos e indirectos; ademais de manterse outros 3.000 coas rutas de Km0; e prestouse apoio e orientación para crear 5 empresas. Se ben o ámbito de actuación da primeira fase do Lug02 eran as Reservas da Biosfera Terras do Miño e Os Ancares, ademais da comarca do Courel; na segunda fase, que se está a levar a cabo, o territorio beneficiado abarca tódolos Concellos da provincia, excepto o de Lugo, por contar con iniciativas semellantes.
A conferencia do director de Fondos Europeos da Deputación, que impartiu baixo o título “Os Fondos europeos como instrumento da Deputación de Lugo para o desenvolvemento sostible e a protección do medio ambiente”, enmárcase nun ciclo organizado no Salón de Actos de San Marcos pola Real Academia Galega de Ciencias, en colaboración coa Deputación e a USC. O décimo aniversario da declaración de Terras do Miño como Reserva da Biosfera centra esta 23ª edición as xornadas, que rematan mañá.
Lugo, 27 de novembro de 2012
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
