O Colectivo Cultural Buril organiza unha Xornada pola Dignidade para o próximo sábado, 1 de decembro, na praza de Abastos de Burela, a partir das 19:00 horas. A xornada comezará con un Magosto Popular, onde se repartirán castañas asadas de balde a todas as persoas asistentes. Às 22:00 horas, lera-se un manifesto simultáneo e às 22:30 horas, dará comezo o Des-Concerto Expansivo a cargo das agrupacións Marosa Jazz Project, Medio Quinhón, Skohlma e The Broken Revenge. Os concertos serán de balde e serviran-se bebidas a prezos populares.
Con esta actividade, o Buril quere suma-se ao Des-Concerto Expansivo programado pola plataforma socio-cultural Burla Negra, coincidindo co 10º aniversário da Marea da Dignidade que enchia as rúas de Compostela o 1 de decembro de 2002, para protestar ante a incompeténcia das persoas responsábeis pola nefesta xestión na catástrofe ecolóxica do petroleiro Prestige nas costas galegas.
Dez anos despois, quére-se rememorar o célebre Concerto Expansivo que tiña lugar o 1 de Febreiro de 2003, no que se celebraron mais de 150 actuacións musicais, teatrais, plásticas e audio-visuais simultáneas por toda a Galiza. Tal como informa a Burla Negra desde o seu web, tráta-se dunha iniciativa aberta a toda formación musical, teatral ou artística en réxime de auto-organización e a todas as salas, bares, espazos, colectivos… que se queiran sumar.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
