UN ARQUITECTO DA XUNTA VISITARÁ LOURENZÁ EN XANEIRO PARA PROXECTAR A CREACIÓN DUN CAMPO DE FÚTBOL QUE SE DESTINARÁ AO ADESTRAMENTO DOS EQUIPOS QUE HAI NO MUNICIPIO. A ALCALDESA FALOU DESTE ASUNTO CO SECRETARIO XERAL PARA O DEPORTE HOXE EN SANTIAGO.
Lourenzá, 20 de decembro de 2012. A alcaldesa de Lourenzá, Emma Álvarez Chao, reuniuse esta mañá en Santiago co secretario xeral para o Deporte da Xunta, José Ramón Lete Lasa, para analizar a construción dun campo de fútbol para adestramento dos equipos que hai no municipio. Esa instalación será de herba natural, en vez da sintética que estaba prevista inicialmente e que agora se descarta debido ao seu elevado custo. Para preparar o proxecto un arquitecto da Xunta desprazarase a Lourenzá no vindeiro mes de xaneiro.
Despois da xuntanza co secretario xeral para o Deporte a rexedora municipal explicou que “a raíz de que o Concello de Lourenzá gañou no 2009 o premio anual ao mellor concello de Galicia en canto a deportes, formulóuselle no seu día ao secretario xeral para o Deporte, José Ramón Lete Lasa, a creación dun campo de herba artificial para poder adestrar, pero non se chegou a facer o convenio co Concello. O motivo é o que todos sabemos: a crise económica que estamos a sufrir. Os presupostos para deporte do 2010 ao 2013, que será o vindeiro ano, minguaron considerablemente. Conscientes diso hoxe, aínda que me viña interesar por ese convenio, acordarmos que no mes de xaneiro próximo pasará polo concello de Lourenzá un arquitecto da Secretaría Xeral para o Deporte para que eses terreos, que nós tíñamos adquiridos para facer un campo sintético, poder adecualos como campo de fútbol que sirva para adestrar os equipos laurentinos”.
Emma Álvarez tamén destacou que en Lourenzá “hai un equipo de fútbol de Primeira Autonómica e tamén outros máis desde as categorías prebenxamín ata as xuvenís e neste momento é imposible soster un campo de fútbol único para adestrar e xogar todos nel. Por este motivo estamos adestrando a veces en campos de fútbol que pedimos a concellos limítrofes e outras veces os nenos teñen que adestrar no pavillón en vez de facelo no campo de fútbol. Por todo isto consideramos que é unha necesidade e, aínda que en tempos de crise non se entendería moi ben unha inversión de 300.000 euros nun campo de céspede artificial, si consideramos que é necesario acondicionar este terreo para adaptalo a campo de fútbol de herba natural para adestrar”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
