Os Reis Magos percorrerán as rúas de Cervo e San Cibrao repartindo uns 280 quilos de caramelos
-Melchor, Gaspar e Baltasar recollerán as cartas dos nenos e nenas e escoitarán as súas peticións
Cervo, 3 de xaneiro de 2012-As Súas Maxestades os Reis Magos de Oriente visitarán este sábado día 5 as localidades de Cervo e San Cibrao, onde saudarán á veciñanza, repartirán caramelos e recollerán as cartas dos pequenos. Melchor, Gaspar e Baltasar pasarán primeiro por San Cibrao nas súas carrozas. A comitiva sairá ás 18:30 horas do pavillón polideportivo da Veiga e percorrerá as rúas da vila ata chegar ao Auditorio da Casa da Cultura, onde os recibirá o alcalde, Alfonso Villares. Os Reis Magos permanecerán no Auditorio para escoitar os desexos dos pequenos e recoller as súas cartas.
A cabalgata de Cervo comezará ás 19:00 horas partindo das escolas vellas cara a avenida principal e dirixíndose á Igrexa parroquial, onde farán unha parada no belén vivinte para adorar ao neno Xesús. Ao seu paso pola capital municipal as Súas Maxestades de Oriente utilizarán vehículos todoterreo descapotables para desprazarse, dende os que poderán saudar ao público e repartir os caramelos. O itinerario continuará ata a Casa do Concello, onde os recibirá o rexedor cervense. Tamén nesta ocasión os cativos e cativas terán a oportunidade de achegarse a Melchor, Gaspar e Baltasar para transmitirlles as súas peticións e entregarlles as súas cartas.
Unha vez rematados os actos coas Súas Maxestades de Oriente, o grupo O Bordelo ofrecerá unha peza teatral inédita que será estreada esa mesma noite tal e como vén facendo dende hai quince anos como agasallo de Reis. Nesta ocasión presentarán “Abordelar”, unha comedia escrita e dirixida por Francisco Piñeiro e que fala da situación actual convidando a reflexionar ao tempo que se incita a rir, incluso daquelas cousas que realmente son para chorar.
Ese mesmo día, ás 21:00 horas diante do Museo do Mar, ACIA San Cibrao levará a cabo o sorteo de 1.200 euros. O gañador terá que estar entre o público e contar coa rifa premiada, que se atopará entre todas as entregadas polos comercios aos seus clientes durante estas festas.
As cabalgatas de Reis están organizada pola Asociación Península da Paz no caso de San Cibrao e pola Asociación Airiños do Xunco no caso de Cervo, entidades que contan coa colaboración do Concello. A administración local facilitará uns 60 quilos de caramelos en total, 30 para cada cabalgata, que serán repartidos durante os percorridos polas rúas e na recepción.
En canto á cabalgata de San Cibrao, entregaranse ata 250 quilos procedentes da colaboración dos comercios e empresas locais así como dos veciños, que responderon ao chamamento realizado pola Asociación Península da Paz para que os cervenses colaboraran doando caramelos. As persoas que desexen facer a súa achega aínda están a tempo deixando a súa doazón na Casa da Cultura.
Nesta ocasión participará Susana Vázquez Fernández, coach de saúde emocional e facilitadora en procesos de duelo e perda, que impartirá o faladoiro “Xestión do ánimo”, centrado en técnicas de relaxación, pensamento positivo e coidado da saúde mental para mellorar o benestar emocional. A actividade está aberta á veciñanza e busca crear un espazo para compartir, aprender e coidarse en comunidade. Conta co apoio e colaboración da Asociación de Xubilados Terramar.
Será este xoves, día 14 de maio, ás 19:00 horas no salón de actos do Concello. O mago Pedro Bugarín presentará o seu espectáculo titulado Galicia con maxia. Para esta actividade o Concello de Lourenzá conta coa colaboración da Deputación de Lugo.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
