O ENTROIDO E AS FESTAS PATRONAIS CENTRARÁN AS XUNTANZAS QUE SE CELEBRARÁN MAÑÁ POLA TARDE NO CONCELLO DE BURELA.
Burela, 8 de xaneiro de 2013. No Concello terá lugar mañá un encontro para preparar o entroido de 2013. Será a partires das 20:00 horas e ao mesmo asistirán representantes das diferentes asociacións culturais e veciñais de Burela.
A edil de Cultura, Mónica Pedre, sinalou que “a nosa intención é contar con todo o mundo de cara a elaborar un programa acorde co entroido que Burela e a súa xente se merecen”. Na xuntanza participarán membros do equipo de goberno e representantes das asociacións culturais e veciñais burelesas.
Tamén mañá mércores, 9 de xaneiro, ás 19 horas a comisión de festas de Burela, da que forma parte Mónica Pedre, como edil de Cultura, manterá unha reunión coa comisión que elabora as alfombras florais durante as patronais do Carme que se celebran no mes de xuño. Pedre dixo que “queremos ir facendo as cousas con tempo dabondo e queremos animar á xente a que participe en manter unha tradición de moitos anos aquí en Burela, que é a elaboración das alfombras florais”. A esta reunión tamén acudirá o alcalde, José Mª González Barcia.
O rexedor e outros membros do equipo de goberno xa mantiveron onte luns unha xuntanza con representantes da comisión de festas “para perfilar a colaboración entre o Concello e a propia comisión”.
O Entroido e as festas patronais centrarán as xuntanzas que se celebrarán mañá no Concello de Burela
Relacionado
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
