Poñémonos en contacto co seu medio para lle comunicar que Galiza Nova da comarca da Mariña está a desenvolver unha campaña informativa nos centros de ensino da comarca sobre a folga estudantil do 6 de febreiro mediante repartos de material, charlas coas e cos representantes de estudantes e asembleas informativas, co obxectivo de que o estudantado mariñao sexa coñecedor de como lle vai afectar a aplicación da LOMCE.
Deste xeito, desde a nosa organización programamos unha serie de Asambleas Abertas onde poñeremos sobre a mesa as lesivas consecuencias que suporá a aplicación da Lei Orgánica de Mellora da Calidade Educativa (LOMCE).
As Asambleas Abertas programadas son as seguintes:
-Venres día 1 de febreiro ás 11:30h no IES de Foz
-Venres día 1 de febreiro ás 11 horas no IES Ribadeo
-Venres día 1 de febreiro ás 11 horas no CIFP de Ribadeo
-Luns día 4 de febreiro ás 11:30 horas no IES Monte Castelo de Burela
-Luns día 4 de febreiro ás 11:30 horas no IES Perdouro de Burela
Así, desde Galiza Nova, queremos trasladar ao estudantado da Mariña que cómpre mobilizarse contra a LOMCE xa que é unha nova reforma que supón o regreso ao modelo educativo do franquismo e que xunto aos recortes, busca liquidar o ensino público galego como dereito de todos e todas a unha formación de calidade. Asemade, pretender lexislar en contra do coñecemento e estudo das linguas propias excluíndo, así, o galego do ensino.
Deste xeito, faise imprescindíbel a participación do estudantado nas mobilizacións que se convocarán na nosa comarca o vindeiro día 6 de febreiro para rexeitar na rúa, de novo, a política educativa do PP.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
