A evolución do Carnaval de Foz nas últimas décadas, fai del acaso o que é mais brillante da Mariña. A vella usanza de farrapentos disfraces, “os entroidos”, foron sustituídos polo desfile de vistosas carrozas e grupos nos que o luxo, a fantasía e o enxeño, rivalizan en amplo mostrario que da lugar a novos motivos de pasmo. As comparsas, murgas e charangas, ataviadas con singulares e lucidas vestimentas, lanzan ó ar os sons que envolven lúdicas, báquicas e críticas estrofas que con rexouba celebran as xentes inmersas no bacanal, presidido pola beleza e a singular simpatía da Raíña e as Donas de Honra, perenne testemuño da fermosura e o engado das nosas mulleres.
Cando nos “anos escuros” se vetaba o entroido na rúa, foi nos locais de esparcemento onde se celebraba con maior esplendor. E así, na memoria de varias xeracións, perdura a lembranza daqueles bailes que tiveron por marco os esquecidos salóns de Ramón María de Cao; La Sociedad, ou salón de Cageao, e o histórico “Bahía”. Foi néste, a principios dos anos 50 onde se implantara o “faroliño”, baile-concurso de gran beleza plástica, que con utópica ilusión pretendía emular a elegancia, a vistosidade, e o glamour dos salóns aristocráticos de principios do S. XX.
Cada parella dispón dun farol veneciano, multicor, translúcido, en cuxo interior ubícase unha vela. Encéndidas éstas a un tempo, iníciase o baile ao compás precisamente do “Vals das Velas”, de Strauss.
Apaganse as luces, o local queda só iluminado pola luz dos faroliños…
Créase un ambiente de envolvente fantasía cos elementos que entran en xogo: o corido, a luz das velas, sempre acolledora, e as notas acariñadoras e nostálxicas da música de Strauss. Segundo os farois se apagan as parellas retíranse e a última en facelo gaña o concurso, que se celebra en Foz dende hai 60 anos; escoitase, piano, a letra nostálxica do vals:… “Igual que en viejos tiempos / con solemne ritual / se apaga una a una/ de las velas el brillar. / No importa si el destino cruel / nos ha de separar:/ por siempre nos querremos bien / de estas horas recordar…”.
Digamos, como anécdota, que daquela (metade do século pasado), a parella gañadora recibía o premio: a moza un par de medias (nylon) e o rapaz unha botella de champán. A gran novidade eran as “medias de cristal”, recén descuberto o “nylon”, que chegaban á bisbarra, de contrabando, vía Andorra…
Suso Fernández
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
