As categorías de base do Burela FS Pescados Rubén pecharon unha xornada triunfal. O resplandor do fútbol sala laranxa impúxose en 8 das 9 citas da axenda da fin de semana.
Na Liga Nacional, os xuvenís regresaron á boa senda, vencendo a domicilio ao Cidade de Narón (1-5). Deporte Escolar tamén tivo brillo laranxa, con dobre vitoria cadete, 2-11 ante a escola de Barreiros e 6-1 sobre o Ribadeo FS; contundente 0-7 infantil na pista do Cidade de Viveiro; outro pleno para alevíns, con 0-3 sobre os barreirenses e 11-0 fronte aos da beira do Eo; e o AD Santiago de Foz, que tamén sucumbiu ás destrezas burelistas en benxamíns. No apartado de amigables, os máis pequenos tamén celebraron o triunfo ante o Cidade de Viveiro.
Non tivo a mesma sorte a ED EON Burela en Liga Autonómica Infantil, que cedeu ante o EDM Verín FS (0-6).
Liga Nacional Xuvenil
Cidade de Narón 1-5 Burela FS
Liga Autonómica Infantil
ED EON Burela FS 0-6 EDM Verín
Deporte Escolar
EDM Barreiros Cadete 2-11 Burela FS Cadete A
Burela FS Cadete B 6-1 Ribadeo FS Cadete
Cidade de Viveiro Infantil 0-7 ED EON Burela FS Infantil A
EDM Barreiros Alevín 0-3 ED EON Burela FS Alevín A
ED EON Burela FS Alevín B 11-0 Ribadeo FS Alevín
ED EON Burela FS Benxamín 5-1 AD Santiago de Foz Benxamín B
Amigables
ED EON Burela FS Prebenxamín 6-1 Cidade de Viveiro Prebenxamín
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
