25 de Febreiro de 2013.- O BNG de Foz quer denunciar o incumprimento por parte do Grupo de Goberno municipal do PP dos acordos que o Pleno tomou por unanimidade o día 23 de febreiro do ano pasado en torno á figura de Rosalía de Castro.
Os acordos, tomados cos votos de todos os partidos políticos da Corporación, foron os de declarar o 24 de febreiro Día de Rosalía no noso Concello, emprender e apoiar a realización de actividades de promoción da obra da nosa escritora que impliquen ao conxunto dos veciños e veciñas do noso concello o 24 de febreiro e realizar unha lectura pública da obra rosaliana nun lugar destacado do concello na que o alumnado dos centros escolares, veciños, veciñas e persoas destacadas pola súa actividade cultural teñan o papel protagonista.
O BNG ten que denunciar que durante o día de onte non se fixera ningún tipo de acto por parte do Concello para espallar a figura da nosa escritora máis universal. Mesmo este día é unha data recollida oficialmente pola Consellaría de Cultura da Xunta de Galiza no seu Calendario do Libro e da Lectura polo en moitos concellos de Galiza se fixeron lecturas públicas da súa obra. Para o portavoz municipal, Xan Carlos González Basanta “a desidia do Goberno Municipal por Rosalía demostra unha falta de respecto pola nosa lingua, pola nosa historia, pola nosa literatura e pola democracia municipal”
Para o BNG, Rosalía de Castro é a escritora máis representativa da lingua e da literatura galegas. A publicación do seu libro Cantares Gallegos, o primeiro escrito integramente no noso idioma, desde a vontade firme e inequívoca do seu significado, sinala o inicio da restauración do uso escrito do noso idioma e o final de séculos de silencio e esquecemento.
Por estes motivos, a difusión do coñecemento da súa obra é necesaria para as galegas e os galegos, en especial para as xeracións máis novas, para fomentar neles o amor á nosa lingua e comprender a nosa identidade cultural. Lamentamos, unha vez máis, que o Día de Rosalía pasara sen pena nin gloria no noso concello pola falta de vontade do grupo de goberno por cumprir cos acordos plenarios e conmemorar o día 24 de febreiro.
O BNG insta ao Goberno Municipal a facer algunha referencia na páxina web do Concello así como algún acto sobre a figura de Rosalía nesta ou en próximas semanas, aínda que estean fóra de data, actos como a lectura pública da súa obra onde participen o maior número de persoas, asociacións e centros de ensino posibles.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
