O Burela FS Pescados Rubén xa ten novo adestrador para o histórico proxecto de Primeira LNFS, o madrileño Juan Luis Alonso Doral, máis coñecido como Juanlu. O técnico selou o acordo que o vinculará á entidade mariñá ata 2015 esta tarde na sede laranxa, xunto ao vicepresidente, Manuel Blanco, e o director xeral, José Luis Sáez.
“O Burela FS ten un presente difícil, pero un futuro prometedor” aseguraba con optimismo Juanlu na súa chegada á Mariña. “Este club ten os tres piares básicos para cumprilo: unha estrutura sólida, un patrocinador comprometido e unha masa social implicada. Todas estas condicións foron as que me fixeron decidirme polo proxecto” explicou o madrileño, que dirixirá esta tarde a primeira sesión do equipo laranxa. “O gran hándicap do Burela FS é o factor tempo; enfrontámonos a unha carreira de 100 metros, onde non dá tempo a recuperar, pero con este cadro pelexaremos cada punto e demostraremos que que non debemos estar no fondo da táboa” adiantaba con ilusión o novo estratega burelista.
Aos seus 37 anos, Juanlu posúe unha notable veteranía á fronte dos bancos. Inter Movistar, Pinto FS, Azkar Lugo, Boomerang Interviú son só algúns nomes que figuran no seu percorrido polas pistas. Tras o seu paso por Levitt Las Rozas (2002-04), como referencia en Prata, e Carnicer (2000-01) e o todopoderoso Boomerang Interviú (2001-02, 2004-05), como segundo, en 2005-06 decantouse por Galicia e o Azkar Lugo, co que se proclamou campión da Recopa de Europa. En 2007-08, o Pinto FS e Juanlu conseguiron o ascenso á División de Honra. A dirección de Inter Movistar (2008-10) brindoulle os títulos da UEFA Futsal Cup e Copa e Supercopa de España, en 2009. O novo adestrador laranxa recala na Mariña despois de preto de dúas tempadas no vestiario do Benicarló Aeroport Castelló, que se retirou de Primeira en 2011-12 por problemas económicos, e un fugaz paso por Segunda B, cun proxecto ao lado da casa, o Navalagamella FS, que asumiu a comezos de ano.
Dende a directiva burelista, Manuel Blanco e José Luis Sáez sinalaron “a dilatada traxectoria e a ampla experiencia na máxima categoría de Juanlu, como a mellor garantía para darlle ao Burela FS o pulo necesario e cumprir co obxectivo da permanencia”. “Corpo técnico, xogadores e directiva pelexaremos por seguir en Primeira; todos xuntos, co apoio da afección, poderemos conseguilo” concluíu o vicepresidente laranxa.
O CD Burela FS Pescados Rubén e o propio Juanlu agradeceron todas as facilidades mostradas polo Navalagamella FS, especialmente polo seu presidente, José Francisco Lobo Rivero, para que a chegada do técnico a terras galegas rematara por ser unha realidade.
Preparación física
O novo corpo técnico dos laranxas tamén experimentará cambios no apartado da preparación física. Xunto a Juanlu, asumirá esta labor ata final de tempada o director da ED EON Burela FS e preparador físico do Burela FS en Primeira RFEF, Alfonso Mera, substituíndo o focego Suso Rey. O CD Burela FS agradeceulle ao coordinador da base laranxa a súa disposición e implicación no proxecto.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
