Dende o grupo municipal socialista de Foz queremos expresar o noso malestar pola actitude do Alcalde no Pleno Ordinario celebrado no día de onte, no que se tratou, en primeiro lugar, a modificación da Ordenanza Fiscal reguladora do prezo público pola prestación do servizo de axuda no fogar, coa que se pretendía impoñer unha suba totalmente desproporcionada aos beneficiarios deste servizo, de aproximadamente un 50% para un usuario medio, ante o cal o noso Grupo se mostrou en contra do que consideramos un recorte máis da Xunta de Galicia en materia de servizos sociais básicos, que pode poñer en perigo a prestación deste servizo para moitas persoas e familias que o precisan, e carecen de recursos suficientes para afrontar esta suba.
Neste punto, requirimos tamén ao Sr. Castiñeira para que regularice a situación actual, pois o contrato que existe coa empresa que presta este servizo está vencido, e aínda non se sacou a concurso.
Así mesmo, no Pleno de onte tamén se debateu sobre a implantación da ferramenta informática “Gestiona”, que o Equipo de Goberno vén de contratar recentemente, o cal nos parece totalmente incoherente e inxustificado, tendo en conta que tódolos días estamos a escoitar a cantinela do Alcalde de que non hai cartos, e resulta que inverte, nada máis nin nada menos que, 28.500 € na contratación dunha ferramenta informática, cando tiña á súa disposición de xeito totalmente gratuíto o Programa Innova-TE, cofinanciado nun 70% polos Fondos FEDER da Unión Europea, e nun 30% pola Deputación de Lugo. Programa que, ademais, ofrece certas vantaxes como a interrelación con outras Administracións Públicas, ao contar con programas compatibles entre si, en principio, dos Concellos entre sí e coa Deputación, e, nunha fase posterior, coa Xunta e a Administración Estatal.
En relación a este asunto, queremos esixirlle ao Sr. Castiñeira que non acuse á oposición de paralizar o Concello, e que asuma a responsabilidade das súas decisións.
Xa por último, lamentar que o equipo de goberno do Partido Popular non apoiase ningunha das mocións que presentou o grupo socialista, todas elas dirixidas á satisfacción dos intereses xerais da veciñanza.
A primeira delas, dirixida a instar a creación dun rexistro de familias con graves dificultades económicas no noso Concello, e intentar que as vivendas baleiras se puxesen á súa disposición mediante alquileres sociais. A resposta do Partido Popular foi que xa se coñecían os datos de ditas familias no Concello, pero dende o Grupo Municipal Socialista mostramos o noso desacordo poñendo datos sobre a mesa, pois no Presuposto Municipal do ano 2012 figuraba unha partida para Axudas de emerxencia social de 20.000 €, e só se pediron e concederon axudas por importe de 1.241, 99 €, polo que, tendo en conta o contexto actual de crise, consideramos que a nosa iniciativa era moi necesaria.
Así mesmo, dende o Grupo Socialista presentamos pola vía de urxencia dúas Mocións, unha primeira en defensa da área sanitaria da Mariña e do Hospital da Costa, e outra con motivo do 8 de marzo, Día Internacional das Mulleres, pero, sorprendentemente, ningunha delas foi apoiada polo Equipo de Goberno.
Pola contra, o Sr. Castiñeira manifestou que a Plataforma en defensa da sanidade pública da Mariña está politizada, ao que a portavoz socialista, Rosa Pérez Gradaílle, replicou: “Se algún cargo ou militante do seu partido quere adherirse á Plataforma non creo que lle poñan ningún impedimento”.
Tamén lle recordamos ao Alcalde que non fai moito tempo as consultas de algunhas especialidades no Hospital da Costa se facían en barracóns ou casetas prefabricadas, e lle preguntamos si nisto consistía a ampliación do mesmo á que o Partido Popular se comprometeu en época electoral.
Xa para rematar, dende o Grupo Socialista de Foz queremos deixar claro que apoiamos a cacerolada convocada pola Plataforma en Defensa da Sanidade Pública para mañá sábado, día 2 de marzo, ás 12 horas na Praza da Mariña de Burela, e que, por suposto, asistiremos á mesma.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
