Un total de 120 ciclistas participaron este domingo na IV Ruta Medela de cicloturismo que, un ano máis, “demostrou ser un éxito de convocatoria e de organización” explica o edil de Deportes, Luis Guillén. Unha cita deportiva que vai aumentando ano a ano en número de participantes: “Hai que ter en conta que moitos dos ciclistas que acoden unha vez repiten nos anos seguintes” engade Guillén, tal e como ocorreu nesta cuarta edición.
A situación meteorolóxica foi favorable, o que tamén contribuíu a que a xornada se desenvolvese sen incidentes e nun ambiente distendido e amigable. Unha ruta que se completou segundo o previsto, partindo ás 9:30 horas da piscina municipal de Lieiro e volvendo ao mesmo punto de inicio ás 15:30 horas despois de pasar por distintos núcleos cervenses e lugares emblemáticos como o Conxunto Histórico Artístico de Sargadelos ou o paseo dos Namorados e que se detivo en Castelo para facer un descanso a medio camiño e repoñer forzas co habitual avituallamento. Un percorrido de dificultade media e de 38 quilómetros de lonxitude recomendado para federados e deportistas habituais que rematou cunha comida en grupo nas inmediacións da piscina.
“Despois de catro edicións rexistrando unha boa acollida, con ciclistas de distintas partes de Galicia e de Asturias, podemos dicir que este encontro deportivo e de lecer está consolidado” explica o edil de Deportes. Guillén asegura que “o Club Medela MTB tivera unha moi boa iniciativa cando comezara a organizar con ilusión unha ruta en bicicleta polo concello e que agora é un evento cada vez máis coñecido no mundo do cicloturismo” remata o edil. Unha ruta que foi organizada por este club coa colaboración do Concello de Cervo, a Deputación, Fundación Alcoa e Rodabell.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
