O parlamentario socialista, Juan Carlos González Santín, ven de preguntar no pleno de hoxe polo xeito en que o presidente da Xunta, Núñez Feijóo, vai explicar á cidadanía da comarca de Lemos e da Mariña a súa incorporación á Área Integrada de Lugo, pasando a ser asignados ao Hospital de Lugo.
Isto basicamente quere dicir que a partires desta unificación será a Xerencia do Hospital de Lugo, na capital da provincia, decidirá sobre as necesidades sanitarias desas dúas grandes comarcas, con hospitais comarcais que atenden a preto de 120.000 persoas.
Os socialistas levan así ao debate parlamentario, polo procedemento de pregunta urxente en Pleno, a preocupación e a incerteza existente nos cidadáns destas comarcas polo futuro da área integrada en Lugo.
“Coñecemos xa o resultado que está dando este modelo de área integrada”, apunta González, pois xa foi imposta noutras zonas sanitarias de Galicia, e por iso “preocúpanos que se amplíe tamén a Lugo”. Para o socialista, estas áreas non cumpren coa función integradora anunciada.
O parlamentario socialista asegura que as áreas integradas “están funcionando mal e están a provocar o desmantelamento dos hospitais comarcais, mentres a Atención Primaria continúa descolgada”.
Denunciou que a área integrada de Lugo, como área única, suporá a perda de servizos nas comarcas da Mariña e Lemos. Os hospitais comarcais converteranse en hospitais de especialidades, derivando paulatinamente aos doentes ao HULA, isto vai levar a que se colapsen os servizos de urxencias de este hospital como pasa noutros hospitais das provincias galegas.
Outra consecuencia salientada polo parlamentario lugués é a redución de especialistas, obrigando aos doentes a maiores desprazamentos “ se ben agora non será o SERGAS o que teña que pagar o desprazamento”, dixo en alusión ao copago do transporte sanitario.
González Santín chamou tamén a atención sobre outras consecuencias engadidas á perda da calidade asistencial que afectaría ás comarcas da Mariña e Lemos de instaurarse a área integrada.
“Pretende aforrar recortando persoal sanitario” recriminou o deputado socialista a Rocío Mosquera. Pero esquece o Goberno de Feijóo que estes hospitais comarcais, ademais da calidade asistencial que ofrecen, son nas súas respectivas áreas de influencia “unha das principais empresas da comarca tanto en emprego directo como indirecto”. Por iso, “o recorte que pretenden transformarase en máis paro e recesión”, advertiu González Santín á conselleira. A xente, ademais de ter que desprazarse para recibir atención sanitaria, perderán un motor económico da comarca.
O parlamentario socialista propuxo que se manteñan as tres áreas sanitarias de Lugo, Monforte e Burela. Que a Xestión Integrada de Primaria Hospitalaria se centre en cada un dos hospitais comarcais, respectando o actual mapa sanitario. Tres xerencias autónomas e con orzamentos independentes. Os socialistas esixen que non se baleiren de contido estas áreas sanitarias.
“Os veciños de Lugo xa sufrimos outro incumprimento de Feijóo” dixo en referencia á derivación cara A Coruña ou Santiago das doenzas cardíacas e de cancro pola ausencia de Hemodinámica e Radioloxía no HULA. González Santín esixiu a Mosquera que “rectifique, que aínda está a tempo”.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
