Lugo 16 de marzo de 2013.- Novas Xeracións da provincia de Lugo celebrou esta tarde, na sede do PP lucense, unha Intermunicipal para abordar a importancia do fomento do emprego xuvenil e dar conta da Estratexia do Emprendemento e Emprego Xoven posta en marcha polo Goberno Central.
Desta forma, esta I Intermunicipal de Novas Xeracións da Provincia de Lugo levou como lema “O Camiño da Recuperación” e congregou a mozos de toda a provincia, así como a concelleiros responsables de emprego e outros cargos públicos, entre eles, o subdelegado do Goberno e vicesecretario do PP lucense, Ramón Carballo; os deputados nacionais; Joaquín García Díez e Jaime De Olano; ou o secretario de organización do PP en Lugo, Luís Lamas
O presidente da agrupación político xuvenil na provincia de Lugo, Daniel Vega, asegurou que este encontro serviu para dar a coñecer as medidas impulsadas polo presidente do Goberno, Mariano Rajoy, para combater o paro e para fomentar o emprendemento entre os máis novos. Asemade, o popular tamén aseverou que actos deste tipo permiten poñer en común aportacións incentivadoras do emprego entre os mozos.
Programa
Baixo o lema “O Camiño da Recuperación”, o presidente local de Novas Xeracións da Provincia de Lugo, José Antonio González Vázquez, foi o encargado de inaugurar este primeiro encontro que xirou entorno a unha mesa de debate moderada pola voceira da agrupación xuvenil, Sofía Pérez Fernández.
As intervencións correron a cargo do subdelegado do Goberno en Lugo, Ramón Carballo; do deputado Nacional, Joaquín García Díez e do xefe de Traballo e Emigración da Subdelegación do Goberno, Roberto Raposo.
O acto estivo clausurado polo presidente provincial de Novas Xeracións, Daniel Vega, e polo secretario de organización do PP lucense, Luís Lamas.
Unha aposta decidida de colaboración na loita contra o paro xuvenil
Daniel Vega asegurou que esta xuntanza naceu co único afán de apostar polos emprendedores, polo autoemprego e por loitar contra unha das principais lacras que afecta aos mozos: o paro xuvenil. Por iso, segundo explicou o dirixente popular, neste marco “puidemos intercambiar ideas e suxestións” sobre o camiño a seguir para garantir “o futuro dos mozos”.
Unha aposta polo emprendemento e o emprego dos mozos que está a poñer en marcha o Goberno Central, explicou o popular, e que baixo un plan con 3.500 millóns “marca un antes e un despois na loita pola recuperación económica e a creación de emprego”. Segundo Vega, trátase dun plan pegado á realidade e con solucións concretas, colectivas e solidarias, con 15 medidas de choque que beneficiarán a máis dun millón de mozos; 85 orientadas a longo prazo para mellorar as oportunidades de acceso e permanencia dos mozos no emprego; así como medidas de apoio a autónomos e emprendedores porque son “a mellor locomotora para restaurar o crecemento e o emprego”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
