Cervo, 22 de marzo de 2013-A Concellería de Igualdade deu hoxe a coñecer o cartel e o programa do X Encontro de Palilleiras fixado para o día 6 de abril. A presentación tivo lugar esta mañá e nela estiveron presentes o alcalde de Cervo, Alfonso Villares, a edil de Igualdade, Pilar Armada, e as profesoras Mari Luz Méndez e Modesta Lombardero.
Tal e como explicaron, o programa é moi semellante ao de anteriores edicións destacando a demostración en vivo do traballo artesanal das palilleiras, que se reunirán no pavillón municipal de deportes da Veiga para palillar todas a un tempo. “É unha imaxe espectacular, poder ver a centos de palilleiras elaborando encaixe simultaneamente” asegura Armada.
A delegación de Igualdade agarda que nesta edición se manteñan os niveis de participación que se veñen rexistrando nos últimos anos, con máis de 550 palilleiras que acoden a “practicar e amosar a súa axilidade cos palillos”. Polo momento o prazo de inscrición continúa aberto ata o día 27 deste mes, polo que “haberá que agardar a esa data para coñecer os niveis de participación reais tendo en conta que nos últimos días adoitan producirse moitas inscricións” explica a edil.
Os actos comezarán ás 10:00 horas, coa recepción das palilleiras, e continuarán ás 10:30 horas coa exhibición do proceso e dos traballos das artesás, que se prolongará ata as 13:00 horas. Paralelamente, ás 12:00 horas, organizarase unha visita á Fábrica de Cerámica de Sargadelos dirixida a encher de contido o tempo libre das persoas que acompañan ás palilleiras.
Tamén se mantén a venda de produtos e artigos relacionados con esta práctica e coa artesanía e que estarán dispoñibles nunha carpa anexa ao pavillón. Polo momento xa está confirmada a asistencia duns 25 postos procedentes de distintos puntos de España como Madrid ou Barcelona. Ademais, co obxectivo de fomentar a participación da xuventude neste acto, entregarase aos mozos e mozas palilleiras diplomas acreditativos da súa asistencia. Tamén as demais palilleiras levarán un recordo deste evento para casa, que nesta ocasión será unha figura feita a man por un artesán galego. Ademais, todas as persoas que se acheguen ao evento poderán adquirir rifas coas que optarán aos premios que se sortearán no transcurso do día, e que foron cedidos por unha ducia de establecementos e empresas da zona. Non faltará a música tradicional co grupo folclórico “Airiños do Xunco” de Cervo, que amenizará a xornada.
Exposición
Dentro do programa complementario do X Encontro de Palilleiras cabe destacar a exposición que se inaugurará este xoves na Casa da Cultura de San Cibrao e na que se amosan diversos artigos elaborados con encaixe, aínda que tamén haberá unha mostra de bordado en tul e de pezas de Hinojosa.
Unhas creacións que teñen procedencia variada, xa que algúns deles son traballos elaborados nas clases que imparten Mari Luz Méndez e Modesta Lombardero, dúas profesionais que colaboran activamente na organización do encontro. Pero tamén é importante resaltar que hai pezas que foron doadas por particulares. “Queremos facer un agradecemento expreso a todas as persoas que nos cederon estes artigos para poder expoñelos e que enriquecen esta mostra” asegura a edil.
Armada tamén transmitiu os seus agradecementos aos comercios e empresas que achegaron os premios para o sorteo así como a Mari Luz e Modesta, “por implicarse todos os anos nesta celebración”, así como a todas as entidades e persoas que fan posible que “todos os anos reunamos a centos de persoas en San Cibrao ao redor do encaixe”.
O alcalde de Cervo, pola súa banda, quixo resaltar tamén a importancia de seguir celebrando este encontro “que este ano chega á súa décima edición, que xa está consolidado e que forma parte da axenda habitual das palilleiras de distintos puntos de Galicia e de España”. Villares considera que “as tradicións hai que mantelas vivas e por iso seguimos e seguiremos apoiando o Encontro de Palilleiras que, pouco a pouco se foi facendo un oco entre os eventos deste tipo que se celebran en Galicia”. O rexedor tamén resalta o impacto “positivo que ten este día na economía local pola grande capacidade de atracción do evento”.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
