Lugo, 26 de marzo 2013. O Pleno da Deputación aprobou por unanimidade a moción presentada polo Grupo do Bloque Nacionalista Galego na que se solicitaba iniciar o expediente para a retirada das honras outorgadas pola institución coa concesión da Medalla de Ouro ao ex director xeral de Caixa Galiza, José Luis Méndez López.
En decembro de 2003, a Deputación aprobaba, tamén por unanimidade, concederlle a Medalla de Ouro, máxima distinción da provincia, ao entender que a entidade financeira que dirixía Méndez López aportaba á provincia, vía impostos e a través da Obra Social, importantes recursos para o financiamento de proxectos e convenios de colaboración. Dez nos despois, coñecida a súa neglixente xestión ao fronte de Caixa Galicia, a Corporación Provincial vén de revocar aquela decisión e acordar iniciar as accións administrativas pertinentes para a retirada de dita distinción.
O portavoz nacionalista e delegado de Cultura e Turismo, Mario Outeiro, sinalou, durante a súa intervención, que “unha persoa que sobreendebedou a entidade que dirixía pola súa excesiva exposición ao sector inmobiliario, que é corresponsábel do deseño e comercialización de participacións preferentes e capital subordinado, instrumentos que serviron para enganar a milleiros de galegos e galegas aos que lles roubaron os seus aforros e que, en plena recesión económica, percibiu unha cuantiosa xubilación, non pode gozar de tan importante distinción. José Luis Méndez non é merecedor da Medalla de Ouro da Deputación de Lugo.”
“Debatemos esta moción – continuou Outeiro- nuns días nos que o señor Méndez é aínda máis responsábel da situación económica e social que atravesa o país e da desesperación de milleiros de galegos e galegas que non recuperarán o cento por cento dos seus aforros e que van ser vítimas dunha segunda estafa ao converterse as participacións preferentes en accións dunha entidade que está arruinada e que,polo tanto, non teñen valor negativo. O que se está vivindo en Chipre coas condicións do rescate da Unión Europea non dista moito do que está sucedendo en Galiza, onde hai máis de máis de 2.000 millóns de euros atrapados en participacións preferentes.”
Comedores escolares
Os socios de Goberno votaron a favor da moción na que o Grupo Provincial do BNG solicitaba instar á Xunta de Galiza a non establecer o copago no servizo de comedores escolares e a garantir que este servizo sexa gratuíto para o alumnado de infantil e primaria con poucos recursos económicos.
Durante o debate, Mario Outeiro acusou ao Partido Popular de “por en xogo o dereito á educación en canto por trabas ao acceso ao comedor escolar ou ao transporte escolar contribúen a deteriorar a educación pública de calidade” e afirmou que “co copago dos comedores escolares 4.000 rapaces e rapazas lucenses pagarán unha media de 100 euros ao mes para poder acceder a este servizo de comedor. A pesar de que a taxa de paro segue subindo, da redución de salarios e do incremento de impostos, a Xunta carga sobre as economías familiares un servizo máis que, ademais, é fundamental para o desenvolvemento dos escolares e para a conciliación da vida laboral e familiar.”
“Estamos de acordo –concluíu o deputado- que os que máis teñen deben pagar máis, pero vía impostos e non mediante o repagamento de servizos.”
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
