A Rede de Dinamización Lingüística da Xunta de Galicia, trae o seu proxecto “Espello Deportivo” ao Concello de Xove, a través dunha subvención concedida á Mancomunidade de Concellos da Mariña Lucense. Trátase dunha iniciativa dirixida a dinamizar a lingua galega no ámbito do deporte na que participan medallistas paralímpicos e o actor ourensán Rubén Riós.
Neste caso o deportista conferenciante é Chano Rodríguez, deportista que sufriu unha parálise nas súas pernas e fixo do deporte o seu medio de rehabilitación tanto físico como mental. Neste proceso, comeza a nadar, tomándose tan en serio a súa carreira de natación que consegue clasificarse para os Xogos Olímpicos de Sidney no ano 2000, obtendo 5 medallas de ouro. Posteriormente en Atenas, 3 ouros e un bronce. Pekín: 2 pratas e 2 bronces e en Londres 2 prata e un bronce. Converténdose así, no segundo deportista español con máis medallas paralímpicas de toda a historia.
Xunto a este deportista estará o actor e produtor galego de cine e televisión Rubén Riós, coñecido polo papel de Marcos na serie da TVG “Libro de Familia”, quen participa activamente neste proxecto co súa produtora Cloqueta Coqueta.
A conferencia terá lugar o próximo venres ás 17:00h no Salón de Actos do Centro Cívico de Xove. Dende o Concello de Xove animamos a todas as persoas a participar nesta conferencia, para escoitar de primeira man a testemuña dun deportista desta índole.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
