Lugo, 18 de abril de 2013.- A Delegación Territorial da Xunta acolleu hoxe unha reunión de traballo entre alcaldes da provincia, representantes da FEGAMP e responsables da Administración autonómica para a posta en marcha do convenio de desafiuzamentos recentemente asinado entre o Consejo General del Poder Judicial (CGPJ), o goberno galego e a federación de municipios.
Os representantes da Administración autonómica, encabezados pola delegada territorial da Xunta en Lugo, Raquel Arias, e da Fegamp –representada polo seu vicepresidente executivo, Alfonso Villares- coincidiron na importancia de “poñer en marcha medidas e establecer mecanismos” para detectar e poder actuar en casos de especial necesidade en materia de desafiuzamentos.
Arias e Villares, xunto cos directores xerais de Xustiza, Juan José Martín; Administración Local, Norberto Uzal, e Familia e Inclusión, Amparo González, incidiron na necesaria “colaboración” entre administracións e xuíces para “aliviar o drama” dos máis vulnerables nestes casos.
Grazas a este convenio -recentemente asinado entre o presidente da Xunta, o presidente do CXPX e o presidente da Fegamp-, na nosa comunidade poderase traballar con antelación e actuar con eficacia cando se produza unha situación de especial vulnerabilidade, xa que os xuíces os xuíces comunicarán á Xunta cando se produza unha situación de estas características que, automaticamente se porá en contacto cos servizos sociais dos concellos.
Os xuíces alertarán aos servizos sociais dos concellos, que poderán realizar unha valoración provisional da situación de cada familia. De forma complementaria, o Servizo de Coordinación de Servizos Sociais Comunitarios da Consellería de Traballo e Benestar estudará posibles solucións, ben a través dos programas de inclusión social ou menores, ben analizando co Instituto Galego de Vivenda e Solo a aplicación dun programa de realoxo dos afectados.
Na reunión invitouse aos rexedores e representantes dos concellos da provincia de Lugo a adherirse ao convenio para poder proceder inmediatamente á súa aplicación nos seus respectivos municipios.
Os representantes de Xunta e Fegamp destacaron a importancia de que os municipios e a Xunta se coordinen e cooperen na busca de solucións a este problema, actuando “con urxencia e dilixencia”. De feito, ámbalas dúas partes comparten a responsabilidade na prestación dos servizos sociais comunitarios, “un instrumento valiosísimo para ofertar o apoio, a atención e o asesoramento que necesitan as persoas que están a vivir o problema dos desafiuzamentos”.
Medidas pioneiras impulsadas pola Xunta
Neste sentido, sinalouse que a comunidade galega ten sido pioneira na sinatura deste convenio entre a Administración autonómica, concellos e xuíces para aliviar o drama daqueles que máis o precisan en casos de desafiuzamentos. Así mesmo, os representantes da Xunta indicaron que o goberno galego está a impulsar medidas para abordar este problema que está a afectar a moitos cidadáns galegos.
De xeito pioneiro, a Xunta en Galicia introduciu, por exemplo, na Lei de Vivenda aprobada o pasado ano introduce medidas como o aprazamento ou fraccionamento de pago en vivendas de promoción pública e a dación en pago das vivendas protexidas.
Ademais, no pasado mes de decembro púxose en marcha o programa de realoxo dirixido a colectivos afectados por execucións hipotecarias, que ofrece ata 500 vivendas de promoción pública ou incorporadas no Programa Aluga a colectivos sociais afectados por desafiuzamentos.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
